KBC CENTRAL CHOIR IN TOUR AGA BOLNAU VA SHILLONG KWS TOH KAIKHOM NA AGA NEI NAO.

KUKI BAPTIST CONVENTION KBC THUSO Regd.No.19134/88 http:www.kbc.org.in NAI/220/99 No-G-4/Regd.Magazine/KBCThuso/MNP-81 Kum 51 lhinna Phallha/November2014 So 428 CHRISTIAN SUNDAY SCHOOL EXAM 07 * CENTENARY CELEBRATION 11-14 * MBC EX-COUNCIL & ASSEMBLY 18-19 OLLHA/DECEMBER KBC EVENTS 2014 John. 17:11 Kapa theng, eini pumkhat ihi bang a amaho jong pumkhat ahitheina ding un, Nangman amahohi hong in

Pallen Area kihou tohna aum banjom a Bongli B/Church munna Houbung 8 in kipahtah a KBC lamkai ho Ankong aumkhom pi nau. Mission Board in Mission field tour abol na a houbung mi hotoh akimu to nao. KBC CENTRAL CHOIR IN TOUR AGA BOLNAU VA SHILLONG KWS TOH KAIKHOM NA AGA NEI NAO.

E D I T O R I A L B O A R D Chairman : Pu Alun Haolai, President KBC Editor : Rev. Ngamjapao Haokip, General Secretary Joint Editor : Rev. Dr. Paotinthang Chongloi, Mission Secretary Contributing Editors : Rev. Tunlal Haokip, Secretary Youth & Literature. Rev. Thangsat Kipgen, Men Secy. Mrs. Tinkholhing, Women Secy. Cir. Manager : Miss Lhingjanem Haokip Design & Layout : Hemkholen Haokip CONTENTS 1. Editorial - Chonset ipi? 1 2. Christian Neichin 3 3. Najotei nading in lhaijin 5 4. It is well with my soul 8 5. Marathon Race 11 6. Mission Column 15 7. Women Column 19 8. Youth Column 23 9. MCI to kihoutohna akineitai 30 10. Reconcillation Programme KBC & MCI 33-37 Thuso lah man Church/Organisation/ Department...Rs. 200/- Individual...Rs. 100/- (Post a Rs. 50/- pehbe ding) Indian Oversees Bank, Imphal Branch A/c No. 073201000000350 IFSC No. IOBA0000732 The General Secretary, Kuki Baptist Convention, Opp. DM College, Imphal 795001, Manipur email: kbcindia@rediffmail.com Advertisement bolnom hon Mobile No. 9612817768 Contact thei. Circulation to kisai lam Mobile No. 9862633173 bol ding.

KBCThuso Phallha/November2014 Editorial... 1 Chonset ipi? John.18:38-19:20). Thupia ilut masang uvin, KBC, Thuso anasim ho jouse nabon chaovin, kajanao le ka ngailut nao salaam Jesu Christa min in kahin pe uve. Lhasom le lhakhat ahung lhun toh kilhon in achesa hinkho ipiti iman u vem,ti kigel doh theina dingin chomcha Chonset thu ikihoulim diuvin kahin deijin ahi. Humanism holoi tahsan danin,mihem te hi, Hetna(reasoning) Chihna (wisdom) chule Themna (knowwledge) ineilou jeh ule ilhahsam jeh uva chonset na a ilhah lut u ahi tin aseijun ahiuve. Alangkhat na ivet leh, gam khangtou (development countries) ho khu ivet le mihem gitlou na le khanset na ho hi gam khangtou ho ah aum dehset in ahi. Jesu chu koi koijin aseilep em ti gah ve kit ute. 1. Peter chu Jesu toh kumthum vel kiloikhom sa ahin aseilep theije, 2. Pilate chun Jesu chu phatah a ahet them mama ahin Juda ho khut a apedoh kit e, 3. Judas Iscariot chun Jesu chu phataha ahet ahin,dangka somthum in akijoh doh theijin ahi, Hichea het ding khat chu thep nale chih na thu

Editorial KBCThuso Phallha/November2014 ahipon,thutah le thenna hinkho joh thupi ahi ti akimun ahi. Divine nature and Human nature, pathen mi hina le mihem hina chu ichon na a hung kilang ji ahi.gam vaipo Pilate chun Juda upa hole mipi ho henga chu Jesu le Barabbas chu ana lheh to ahi ti akimun ahi, ajeh chu amaho chon na ngaija chu kalchuh kut nileh songkul a tang mikhat kilhadoh peh ji ahiuve. Hi tobanga chu chonset kiti hi khat le khat kilheh to or ki lheng to ahin,hijeha chu aphasa khat chu asea ikhel diu ham or ase khat chu apha a ikhel diu ham, tichu gel angaijin ahi. Juda ho chun apha pa chu asepa khat a akhel u chu chonset nan akisim peh taovin ahi.(vs.40). Tunia thil bol khel ho, thusei khel ho,neh le don aphalou va hinkho mang ho khu ahet lou jeh u ahipon, tahsa lam lung gel pa a kon a chu chonset abol u ahijon ahi.hijeh chun sopite ho ching thei jui te,chonset ipi ham ti gel doh jing angaije,pathen deilou kiti jouse,mihem jengin jong adeilou lung gel leh chonna kiti jouse chu Pathen anga chonset ahi.pathen in asim jousea dingin phat thei boh tahen, Amen. KBC THUSO CHUNG CHANGA HETSAH Muntin a KBC Thuso sim jouse ngailutna Pakai minin Salaam kahinpeuve. Achesa April 2014, Issue a bat nei hon September lhasunga suh theng dinga ana kihetsah sa bangin, KBC Thuso la a alah man pekhalou hole pejom talouva kumthum changei alahman petalou ho November lha a konin Subscriber list konin ahung kiladoh tai. Ijem tia renew nakibol nom uleh athah a ikihetto kit diuvin hetsah nale taona ahung kineije. Editor, KBC Thuso 2

KBCThuso Phallha/November2014 Sermon/Article A. Hinkho chintup ding : Pathen in mihem ahinsem chun lhagao kiti hi anaumpoi, ama a um hinna lhagao chu alhalut peh phat in mihem chu mihing ahung hitai. ( Gen, 2:7 ) Chuti ahileh mihem khat in haitheina Hu ahin neija pat athini changeija phat sunghi hinkho tia seithei ahitai. Hiche hinkho hi pathen thilpeh ahin chuleh ama a ahi, chuti ahileh hinkho chintup dinghi mihemte mopohna ahi ti kichentah in asulangin ahi. Job 14:5 na hi ivet leh mihem hinkho hi anijat tepsa ahitai ati. Anikho le akumjat kitep chu alhangpia seidingin kum 120 ahitai ( Gen, 6:3 ). Noah khang masang chun mihem hinkho hi kum tamtah anahi, vannoija ahing sotpen na kisei Methuselah jong chu kum 969 anahing jouvin ahi. Ahin Noah khanga pat in miihem hinkho hi akisulhom tan, ahingsot pen jong kum 120 val hing talou dingin Pathen thutep aumtai. Hiche hinkho phat chomcha ineisungu hi hinkho neipa Pathen deibanga manchah them angai lheh in ahi. Bible iveta ahileh aneipa deibanga hinkho chintup loujeh in mihem tamtah ahinkho achom in ahi. Vetsah na dingin Anania Le Saphiria tenupa chun nehguh aboljeh lhon in ahinkho lhon achom lootan ahi ( Acts 5: 1-11 ) chutima chun tulai eiho phat a jong hin neh leh chah thenglou nehjeh, sumguh neh jeh chule adang dang aphalou ho boljeh a aphat louva ahinkho kichai tamtah aum in ahi. Hijeh a chu hinkho hi chingthei tah a aneipa deibanga manthem a chintup dinghi hinkho nopna le hinkho sotna ahi ti sumil pou hite. B. Phat chintup ding Pathen in mihem khat cheh hi kibangchhet in sihnei langneina beihel in phat eipe cheh un ahi. Hiche phat chu kitup tah a mangho chun thil lentah le thil phachom tah boldoh nan aman- 3 CHRISTIAN NEICHIN Rev. D. Doungel Psalm 24: 1 sung isim a ahileh thil jouse Pakaija ahi ati. Chuti ahileh Christian thasan chate hi Pathen neiching ihiuve ti akichen in ahi. Hijeh chun hiche article a hin neichin thudol phabep anoija abanchan veu hite.

Sermon/Article KBCThuso Phallha/November2014 gun, amangthem lou, achingtup lou ho chun imacha boldoh joulouvin genthei nale lung gimnan hinkho amanlo jitaovin ahi. Ajjeh chu phat kiti hi mihem thaneina noija um ahipon, Pathen rhilpeh ahibouve. Phat le tuipi longjing hin koima angahpoi, hijeh a chu eima joh in phat hi kiiiiiiitup tah a manthem angaijin ahi. Nikho khat na phat manding dan, kumkhat sunga phat manding dan kisemtup a hiche dungjuija chu phat man angaijin ahi. Vetsah na dingin Taona phat, Bible simphat, Natoh phat, kholai lenphat, kichep phat kiti ho hi semtup masah a hiche dungjuija chu kimanchah ngai ahi. Phat kiti hi akiman khel a ahileh avel a nungkou kit thei hitalou ahi. Hijeh a chu Paul in Ephesus Houbung mite lekha athotna a chu, Tullai nikho hi aphatlou jeh hin phat kijenpet cha hi kichoh un tia asei ahi ( Eph, 5:16 ). C. Sum le pai chintup ding Pathen lekhabun, Sana jong keija, Dangka jong keija tin Pakai Pathen in aseije, ati. ( Hag 2:8 ). Hiche Bible changa kon a hetthei khat chu sum le pai manchah dia eipeuva Pathen ahi ti akichheh in ahi. Chuti ahile sum le pai sana dangka ineihou jonghi aneipa chu Pathen ahi ti eihil un ahi. Eiho mihem te hi aneiching ihiuvin ahi. Hijeh a chu sum le pai hohi anneipa debanga chintup ding hi eiho mopoh na ahi. Isaiah 55:2 na a hin, oivana thei hilou ho choh na a sum le pai suhmang louding hin eihil un ahi. Tulaija mi tamtah in Beri, khaini, ju le khamna thei adang dang choh na a sum le pai amanchah u hi Pathen lekhabun adeipon ahi. Ajeh chu hiche ho chu aneipa deibanga chintup louna khat ahitai. Aneipa Pathen chu alung alhailouva ahileh chingtup nomlou nahileh tia achingtup thei khat chu apehson thei kit ahi ti suhmil lou ding ahi. Hijeh a chu sum le pai hi Pathen na ahijeh in Ama deiho choh na a manchah ding, Som a khat kitah tah a pehding hi neiching kitah hina melchih na khat ahi. CONCLUSION: Vannoija thil jouse hi aneipa chu Pathen ahin, eiho mihemte hi aneiching ihiuvin ahi. Ineichin hah uva, Hinkho chintup ding, phat chintup ding, chule sum le pai chintup dinghi eiho mopoh na ahin, aneipa deibanga chingtup dingin ikitem un ahi. Pathen in athu ichan cheh uva dingin phatthei eiboh tau hen, Amen. 4

KBCThuso Phallha/November2014 Sermon/Article 5 NAJOTEI NADING IN LHAI JIN Hebrew 12:1 Pastor Jangkhothang Kipgen, C/C T.Vaichong No. 6 Thu patna : Lhaitet golseh hi masang lai peh a pat ana kibol jing, golseh mi hettah khat ahi. Solchah Paul in Christiante hinkho toh ana tekah in, Hebrew lekha jihpan jong ahin mang in, lhaitet golseh leh Christian hinkho atekah in ahi. Lhailet golseh hi sappao va Race akitin hiche thucheng hi Greek thucheng agon akonna kiladoh ahin, agony thucheng kilahdohna ahi. Athu cheng in ako leh avetsah pipen tah chu, phaseh a thale jung sen, (extreme physical or mental pain,) ahi. Hetding chu ahileh lhaitet golseh a jao hi tahsa le lungthim suhgim pum a kihabol ding ahi. Hitobang chu Christian khat hinkho hiding a i Bible in eihil u ahi. Kipaman sanna ding a lhaiding hi elung tup ahi ngaiya ahi. Kipaman san theina ding a lhaitet golseh a jao khat in abol ding ho gah veu hite. 1. Ei sunohphah thei thilgih jouse lelhah ngai ahi (v.1b) Kilhaitet na a jao khat chun alhai masang a abol khat chu, in a konna ahung pet na ahin kivon, von hoitah tah-tokachol, savun kengchot, lukhuh, sangkhol lum, bag etc.-hiche ho chu akoija chuteng le bou lhaija ahi. Hiche vonho chu aphalou ahipon asejong ahipoi. Ahivang in hicheho kivon pum a kilhaitetna a jaoding chu hitheilou ahi. Alhaihatsah joulou ding jeh a apailhah ngaiya ahi. Hebrew Christiante jong chun Christian hinkho a ding a phachom hitalou, masang laiya dan thupeh ho chu juipum a hinkho mang ahijeh uva chu lekhathot jih pan hiche ho chu angah tah diuva aseipeh ahi. Nangle kei i- Christian hinkho uva eisunohphah thei thilho chu ipi ahi kihet na ipailhah ngaiyah ahi. Pathen toh ikinai nau, Bible sim, taona, houinkai; hiche ho a eisuboi ho chu ipailhah u ngaiyah ahi. Kilhaitetna hin kijau hen lang vonkhel louvin isakhao pumin kilhaita henlang hileh, min einuisat ding, eijong kilel ding, hatman jong kisang deh louding ahi. ibolding a kilomlou, iseiding a kilomlou, ineh ding a kilom lou khat bolpum a Christian hinkho iman hi thil dihlou ahi. Hijeh a chu hitobang a lhagao hinkho a eihatmosah thei thilho ingah u ngai ahi.

Sermon/Article KBCThuso Phallha/November2014 2. Echung a kai jing chonsetna pailhah ngai ahi (v.1c) Hebrew mi phabeh khat hin tahsanlel chonset aneiju ahi. Hijeh a chu lekha sunpan, chonsetna ho tilouva chonsetna hi ati ahi. Heb.13 ivet le vang chonsetna dangho sumngailut, jonthu, thenlou na hinkho thu etc. aminphah in ahi. Amaho hin kitepna thah a thil kibol toh kitepna luija anabol hou atekah jiu va, Jesu Christan chonset thensona, ngaidamna anatoh hi tahsanlel na aneikhah jiu ahi. Hijeh a chu lekha thot jihpan, huhhingna loupi hi nahsah mo leu hen iti isochat diu ham, ati ahi (2:3). Jesu Christan eihuhhing nau, ichonset u angaidamna, ama Pathen chapa ahina, tahsan lel kiti hi chonsetna lenpen ahi. Hiche chonset hi Jews ten aneiyu ahi. Nangle kei chonsetna hichu hilou maithei ahi. Hijeng jong le chonsetna kiti hin i lhagao hinkho asuboijin, ahatmo sah e, ti hi akichen in ahi. Chonset hi hopni a khenthei ahi: i. Thilpha bolje he a bollou chonset ahi (jas. 4:17) ii. Thilse bol-ibol louding ho boljong chonset ahi (Gal.5:19-20) Tahsan cha, Pakai lhacha khat hina a ibol dinga lom thilpha ho bollouva ium chu chonse kihi ahi. Alangkhat na thilse, bollou ding khat ibol khah kitjong le chonse kihi kit ahi. Nang le kei hoiche joh hin eihop em? I-kigel angaiyin ahi. I-lhagao hinkho a imachal theina ding a Chonset kiti hi alet aneo thu umlouva pailhah ding ahi. 3. Thohhat tah a lhai ding ahi (v.1d) Lhaitet na hin thoh hat angaijin ahi. Ajeh chu ijotheina dinga chu ilel teng jongle thoh tun tun pum a abimun chu ilhun kah a pan ham2 ngaija ahi. Hebrew lekha bua Hebrew Christian te hinkho hi ivet le, amaho hi Penticost jouva anakiphut doh Houbung ahin, lekha thot jihpan a lekha jih hi A.D 68 vel ahin, Christian hinkho kum 30 val hin mang mi ahitaove. Ahinlah hiche phat tah a hin a hinkhou hi lhahsam na tampi akimudoh in ahi. 1). Lhagao hinkhoa thase ahitaove. (6:12 ) 2). Atil abul a kipa thanop nao dailha ahitai. (3:4, 10: 23) 3) Tahsan a pilhinglou bongnoi ngai nalai ahiuve. (5:12) 4). Hou in kai, kikhopna hai-jong um ahitaove.(10:25) 5). Alamkai hou thu jong nungtalou. (13:17) 6).Tahsan na a det lou (3:12). 6

KBCThuso Phallha/November2014 Sermon/Article Hitabang dinmun a hi um ahitah jeh uva, Pakai lhacha pan, imasanguva um kilhaitetna ahin thoh hat tah in lhaiju hite ati ahi. Tunin ei dimnun gah kivet uhite, kum ijat pengthah hinkho, Christian hinkho ihin man tahuvem?. Keijong ka lhagao hinkho hi 1999 a kithah sem na kahin nei ahitan, kum 15 bep hi Pakaija dinga hinkho kahin man ahitai. Kuki Baptist ten jong kum 100 lhin na Centenary imandiu ahitan, pohnat umtah khatchu Hebrew Christian ho banga hinga lhasam itam nalaijuve. Christian lhaitet na a hin a Speed sanga thoh hatna joh thupi ahi. Marathon Race tabang ahijeh hin ilhaina diu lam hi saona lai ahi, hijeh chun chol jongleu hen thoh ham hama lhagao hinkho a hi ikal son u ngai ahi. 7 I-thoh hat theina diuva juiding, Itahsan u abul phutdoh le a suchamkim Jesu lam ivet jingdiu ahi. Amahi eiho dinga ivetjui diuva um ahi. Hebrew ten, Mose, Aaron, Joshua etc, aveuvin ahi. Lekha jihpan Jesu lam vedin eitemuvin ahi. Christian Race a hin Huhhing chan na dinga lhai ihipouve. Tahsan vanga Huhhing na neiho jouse Christian lhaitetna a hi jao ihiuvin, kipaman san na dinga lhai joh ihiu ahi. Hijeh a chu ilhahsam louna diuva imasanguva Christa toh i-umkhomna diu geldoh pum a gentheina, hahsatna, Pakai jalla jumna le maimoh na nahsah louva thoh puma thoh hat tah a ilhai ju ngai ahi. Thuchaina: Kipaman san nomna lungthim neithei lou, Christian lhagao hinkho a kihabol nom talou itam phat uvin i-houbungu aboi gamtan, athah beh a ikigel diu angaije. Lhaitet golseh a jaova kipaman sanding lunggel neithei lou koima aumpon ahi. Tunia Christian hi a, Jesu Christan a chonsetna angaidam kihet chen a tahsan khat kahi itia, ilhagao hinkho ahat na dinga ikiseh gim nomlou leh vang kigel a, kikhol chen ngai ahi. Ajeh chu tahsan chate ithu phatna diu aumpoi. Hebrew 12:1a, na a chun, chuti ahijeh in hettohsah na meipi nasatah in ei umkimvel jeh u hin atin ahi. Hiche hi bung 11 na sunga atahsan masaho hinkho thusim aumjeh a chu, koima athuphat louna ding ati ahi. Kipaman san na dinga ilhai naova einoh phatsah thei thil le chonsetna ho ipai lhah uva thoh hat tah a Jesu lamve jingle amathoh na ho geldoh pum a khonunga amatoh loupi tah i-umkhom diu galdot uhitin, thoh hat tah in lhaiju hite. Pathenin asim jouse phat thei boh jing tahen.

KBCThuso Phallha/November2014 Sermon/Article It is well with my soul Rev. Lamkeng Lhouvum Pastor, Centre Church, New Lambulane. Amanu chun adonbut in Apha pha nai ati. ( 2 king 4:26) Masang laiyin Lengpa khat in Soh pasal khat aneijin ahi. Asohpa hin aphat jousen Hepu imacha lung kham na ding aumpoi imajouse Pathen in aphat na dinga agon cheh ahin, bolkhel imacha aneipoi tin atil khou jing in ahi. Nikhat hi ama ni hi gam leng dingin ache lhontan ahile gamsa hang khat in lengpa chu ahin delkhum tan ahi. Sohpa chun gamsa hang chu athat in apupa chu ahuhhing tan ahi, ahin akhutpah khat vang sahang chun apet lha manin hichu ahuh doh tha joupoi. Lengpa chun hitobanga kidang tah a huhdoh achana a kona hin kipa thu sei tah sangin, Pathen hi apha ahi leh hitobang sahang ho toh ei kisuhto sah lou ding chuleh ka khut pah khat jong Kaman sah lou ding ahi tin lunglhai lou tahin thu aseijin ahi. Sohpa chun adonbut in thilsoh hijat jouse chunga hin keiman kasei peh nom chu, Pathen hi apha ahin ima jouse aphat na dinga atoh soh kei ahi. Pathen in bol khel anei ngaipoi atin ahi. Hiche thu kiseiya konhin lengpa alung hang behseh in asoh pa chu mat a songkul a khum din thu apetan ahi. Ama song kul a akhum lai jenga jong lengpa kom a Pathen hi apha ahin Achamkim ahi ati peh nalaijin ahi. Nikho khat hi lengpa achangseh in gamleng din akon doh kittan ahi. Hiti chun lengpa chu Mihing ne (Savages ) ho nana man taovin ahi. Ama ho hin mihem ho hi KIlhaina aman jiu ahi. Lengpa chu Maicham phunga aui taovin ahileh lengpa chu akhutpah kim lou ahi chu ahin mudoh taove. Hijeh chu hiche mipa hi Kilhai na dinga nolnabei ahipoi (Not complete) ahin tin ahin lhadoh taovin ahi. Ama ahung kile a leng inpi ahung lhun phat in aman asoh pa lhasoh din thupeh aneijin, hitin aseiye, Sopite ho Pathen hi dih tah mongin kei din aphai. Keima chu ei thadoh ( Maicham gantha dia ei thadoh gotnu) ahitai. Hinlah kakhutpah khat seh seh um lou jeh in hitheiponte tin eidei mo-uvin eihin lhadoh kitnu ahitai ati. Ahin aman thudoh khat asei kit in, Pathen chu apha tah 8

KBCThuso Phallha/November2014 Sermon/Article beh ahileh ipi dinga nangma jail a ei koisah ham? Asohpah hitin ahin don t but in, Vo lengpa kei chu songkul a ana um lou hileng kei chu nang toh kaki lhon khom tei ding chuteng leh ama ho chu keima ei kitha diu ahitai, ajeh chu kei nolna bei kahi ati. Ima lam jouse a Pathen hi achamkim nolna bei mi ahipon, thilse jong imatih in abolpon ahi. Phat jousen hinkhoa ivangsetna(negatives) ho ahung lhun teng leh thil jouse hi Pathen in ama um na ding dol cheh leh ajeh khat cheh neiya eisemu ahin, hin lah ei ho Pathen kom a ikiphin phin jiuvin ahi. Tunia hiche lekha nasim pet jenga jong Pathen in ijakai ahet soh kei ahi. Vahchoina la sempa Aphata Aphata kadingin ( It is well with My Soul) lasempa hi Heratio Spafford Christian Lawyer lam a lolhing tah mi ahi. Ama hi 1871kum chun achapa chang khat she kum bep ahilaijin ana thitan ahi. Chu in 1872 Chicago mei nasahtah akah na chun (Great Chicago Fire) anei agou ain ho, meijin ana ka chai kitin ahi.aban in 1873 kumin ajinu leh ach ate numei li ho chu Europe gam a khol jin ummer Trip) din ana sol kit in ahi.ama toh ding tampi anei jeh chun ama oljep a che din aki gongin ahi. Hiche kholjin na a hin achenao Kong (Ship) chu Tui lah a alha lhumtan, mi dang tam tah leh achanu 4 ho chu athi taovin, ajinu changseh bou asoh ( Only Survivors) chan ahi. Hijeh chu telegram ahin thot in ajipa kom a SAVE ALONE..atin achung chon a in na ahung kile lamin Law firm jong meijin aka lhatan ahin Insurance te jong hiche ho man chu apenom pouvin hitn aseijuve. Hiche hi Pathen natoh ( It is an act of God) ahi atiuve. Aman in man ding jong sum peh ding aneipon, Natoh jong anei pon, a in jong anei tapoi. Ama Lhagao mi khat hina in atouvin achunga thil hung lhung ho chu angaito tan ahi. Lhagao mi khat ahi na leh Bible thua kingai ahi toh kilhon in 2King 4:26 a Elisha sohpa kom a Shunem numei nun, Ima jouse Apa phanai ti chu agel doh in vahchoila asuntan, Kahet ding doles nangman nei hil chan chu, Aphata aphata kadingin tin asuntai. Kangailutah sopite ho thil jouse apha lam a kisan them ding hi eima umchan a kon a kingam ahi. Nangman nahin kho navetna, hinkhoa nathil to ho navetna, natoh na leh Insung hin kho navet 9

Sermon/Article KBCThuso Phallha/November2014 teng, Pathen na vahchoiham ahileh agiloupa themo na chan em? (Do you praise God? Do you blame devil). Nangma Pathen in thil nabol peh chunga apha lama nalah thei leh, Toulhan lang hitin seijin. Apha tai ahatai kadingin, tin seijin. Kakipahe, tin lang ihmut nom tah in kicholdo in. Thilpha khat bol thei dia ka um jeh in kakipah e tin seijin. Kachung a kaboina ei khukhum ding kanei jeh in kakipah e. Natoh pha, insung mi ho leh golle pai pha kanei jeh in kakipahe. Hiche ho chung chon a Jesu Christa kei lam a apang jing kanei jeh in kakipahe. Midang aphat thei jeh in nang le nang lunggim kipe hih in. Na nei kham chunga Pathen thang vah in. Themcha jong chu Pathen apan leh Tamtah ahi. ( Little is much when God is in it) Apha ta Apha ta ka dingin. Nepali Area YOUTH CAMP Anughra Baptist Church, Songjang Amasan Mission Report petheija kaum jeh in Pa Pathen kathangvah e. Pakai lenggam keh letna dinga Houbung, Deparment, Insung chuleh changval a pan la jouse chunga kipathu kaphonge. October 2-5. 2014 sung hin Amughra Baptist Church Songjang, Tuilang Area mun a Camper mi 52 lhingin Manipur Nepali Area sunga kum sottah ana kibol khalou hel ahin, Camp lolhing tah in akichaitai. Hiche Amughra Baptist Church hi Songjang gamsunga KBC Gambih No. 6 mun a um ahin, Songjang Haosapu Pu (L) Thangboi Kipgen Vision anahin, adamsunga ana molso joutahih jongleh achapa Pu Vunggoulen (Goupu Kipgen) le ainsung miten hiche Ministry chu ahin tongpan un, Songjang gamsunga Christian Colony sopi Nepali Inn 11 (11 Houses) ho a dingin 2010 kumin Hou in jong ahung umtan, tahsa le lhagao lam a ngaichat jouse Haosa te le Houbungin akhoh pen chu 10

KBCThuso Phallha/November2014 Men Column anahi. Donding Tui hi jousunga kon a Km 3 val ahin, haosapun Pipe angaito peh uvin, kum ni val hi Water tank umlouva aman u ahin,pathen phatthei boh jall in ama phatthei boh insung miten Tui donding le Tui lutna ding ( Baptize bolna ding) Tanky khat eisempeh tauvin, Rev. Shanti Kumar in thensona aneitai. Pathen thangvah in um hen hiche mun a chun tuchung Camp in jong khangthah hinkho kikhel mi 6 in Tuilutna jong akinei sahtai. Ama ho chu 1. Mamta Ghatani 2. Kumari tamang 3. Zeena tamang 4. Mammaya Tamang, 5. Anil Ghatani chule 6. Raju Tamang ahive. KBC Houbung mithengte taona jal in hiche mun a chun tuchungin, Tuilang Area Nepali ho lah a Camp masapen chu 2-5 Oct, 2014 sung hin mi 52 Camper hinan lolhing tah in akichaitai. Camp thupi; WHO WE ARE I Peter 2:9. Speaker ho Rev. Shanti Kumar Paudyel, Rev. Amar Rai, Evan, Jeetan M. Gajmer. ahiuvin, Pathen in nasa tah in Speaker ho amang chan khangthah mi tamtah in Pakaija hinkho kikhel na aneijun Pathen thangvah aume. Tuchung Camp hi Tuilang Nepali Area sunga kum sottah ana kibol khalou hel ahin, tuchung Tuilang area Amughra B/Church mun a Pathen in lhagao lam a kot lentah eihin honpeh utoh kilhon a phat chomna tampi akinei ding kinepna lentah akineijin KBC Mission leh muthim lah a umho pohnat na nei ho jouse chunga Pathenin phat thei boh jing tahen. Evan. Jeetan M. Gajmer, KBC Tuilang Area. Marathon Race Khaije malam notaote: 9-10 October 2014 sunga Men Department conduct nanoija Marathon Race Salem Sapormeina KBC Centre church a kona KBC Centre Church Kanggui chan na lhaisao kitet na a tohkhompi Pastor ho chule Houbung sunga kona tomngaitah a hung pang pate 149 ho chunga kipa thu sangtah in kahin sei jin ahi. Hiche natoh lolhin na dinga an le 11

Men Column KBCThuso Phallha/November2014 tui gena touna eigonpeh u Salem Village Sapormeina KBC Centre Church chule Kanggui KBC Centre Church Pastor & Deacon Board,Houbung member ho jouse chunga kipa thu kahin sei jin ahi. Chule hiche kina kimanchah na dinga kholhang sapna ding le mipo dinga agari hinphal Di,407 chule private car hinpui ho le Bike manchah dinga hinphal doh ho jouse chunga jong kipa thu kahin seije.guide ho chule lhaisao nikho a lampi a tui dap anape ho chunga jong kipa thu kahin sei jin ahi. Hiche programme lolhin na dinga KBC office lang jong General Secretary in pankhom ding tin suti eilha peh un office staff ho jousen observe eibollun chule anikho nin aman jong alhaiho tilkhou na thu ahung seijin kipa aume. Chief Guest Pu Lunthang Haokip EM ADC in tilkhou na le kipa thilpeh Rs.10,000 cash in apen ama le ainsungmite chunga kipa thu sangtah akisei jin ahi.chule vailhun na a chief Guest pu Haokholal Hangshing in tilkhou na le ahung lhung ding centenary thu a houlim na aneijin kipa thu akisei je.tohkhompi Pastor ho le staff ho chule houbung mite kithopi najallin Men Department conduct nanoija kibol Marathon race chu lolhing tah in akichailhan Pathen thangvah in umhen.tuchunga adeh a kum 60 val hung pangho chunga jong kipa thu akisei jin Pu Ts Ngamkholun NGV, Pu Jamkhopao Haokip Chahkap Pu Dr. Haopu Simte KBC Centre Church Newlambulane in mineral water bottle tampi chule first aid medicine ahin to na chunga kipa thu akisei jin chule Pu Letkhohao Vaiphei OC Manipur Police ho lim akimun mitamtah tilkhouna apen ahi. Hiche Marathon Race kilhai na hi ahung lhung ding Centenary thang kou na ahin mipi lungsunga athah beh in ahung kithou doh in kipa aume. Hiche a agambih a hung pang ho chu: Gambih No.1,2,3,4,5,6,7,8,9,11,12,17,19 a kon represent ahung cheh un ahi. Hiche a damsunga memorial a dinga Marathon Race a lhai ho jousen Certificate asan cheh ding chule alhai a top 1-13 sunga umjousen consolation, 1-3 in prize chu Men Forum Centenary a akisan diu ahi.hiche a lhai ho jousen na passport photo chule na Sl.no u No.15 sunga nahin peh cheh diuvin hetsah na le tiemna kahin neije. 12

KBCThuso Phallha/November2014 Men Column Prize mu ding ho: 1.Pu Seikholun Sl.56 S.Gangpijang 8:10 am Gambih No.8 2.Pu Mangkholun Haokip Sl. No. 29 Samusong 8:14 am Gambih No. 2 3.Pu Jangminlen Sl.No.55 Kulbung 8:16 am Gambih No.8 CONSOLATION 1.Pu Ngulkholun Kipgen Sl. No. 71 M. Tampak 8:19 am Gambih No. 8 2.Pu Letminsei Haokip Sl.No.35 L.Khomunnom 8:19am Gambih No. 4 3.Pu Hengoulen Sl.No.82 Songjang 8:22 am Gambih No. 6. 4. Pu Tonglet Sl.No.57 Thinghangjang 8:40am Gambih No.9 5. Pu Ngamminthang Khongsai Sl.N0.19 Chingdai 8:44am Gambih No.2 6.Pu. Thangjamang Haokip Sl.No.53 G.Lhangjol 8:48am Gambih No.4 7.Pu Lenkhohao Dimngel Sl.No.108 Saijang 8:48am Gambih No.3 8.Pu Lhunkholal Haokip Sl.No.137 P.Khonomphai 8:58am Gambih No.19 9.Pu Kamkholun Lhanghal Sl.No.24 Thingjang 9:00 am Gambih No.2 10.Pu Thangngam Haokip Sl.No.97 Sajal 9:15am Gambih No.7 11.Pu Khaigoumang Kipgen Sl.No.2 Maohing 9:20am Gambih No.5 12.Pu Jangkholen Guite Sl.No.140 A.Geljang9:25 am Gambih No.19. Hiche Prize pe dinga ana kisei hon jong lungset tah a officea a gang thei penna nahin peh lut diuvin Pakai minin tiem na le hetsah na kahin neije. Kakipah e Rev. Thangsat Kipgen, Secretary Men Department KBC. CENTENARY THUA HETSAHNA Amasan Muntinle Gamtinna um Houbung mite ahunglhung ding Centenary ngahlel a nikho niseh a akhutjung lheh a umte ho jouse chunga Centenary Planning Committee thalhengin Salam kahin peove. Centenary kiman na ding mun ho jong avel velin vetlhah na akineijin ahung kalsongho umnading le kiman chah na ding akigongin adeh in khosung mite jong ama ama lou le in natoh na ding ho khohlheh jongle Centenary a dingin atha ajung itlou hellin niseh in tha apeovin ama ho chunga kipa thu akisei jin ahi. Khosunga haosaten jong Centenary hetjing na dingin Centenary Bus ti khat alamdoh un tun Kangpokpi to Tujangvaichong niseh in alhaitan ahi. Centenary a hung dinghon Thuso a kiso masa dungjuia office langa hetsah na nahin neidung juijun kipa aumlheh in, hinla ahinpelou ho a dinga arrangement hoitah a ache na dingin aging theipennin hetsah na nahin nei diuvintiem na akineije. Centenary a hunghon ahinkipoh diuva hetsah : 13

Men Column KBCThuso Phallha/November2014 1. Gambih/Houbung a kona hung ding jousen Flag nahin kipoh cheh diu, Camp umna dinga Tarpolin(Khoilupon) camp khu na ding nahin kipoh cheh diu, Tui koi na ding Sintax nangho church/ Gambih in naman chah diu nahin kipoh u va chule Camp a kitah ding Banner,Generator nahin kipoh cheh diu ahi. Chule ahithei na channa Gas anhon na ding hin kipoh thei hon nahin kipoh diuvin tiemna le hetsah na ahung kineije. Chule mimal ahung ho hetthei na dingin Registration kibolcheh ding ahin, hiche a registration mikhat a hi Rs. 50 hiding office langa aphat masanga pre Registration bolthei ahi. Anikho a akinoh phah sangin. 2. Department/Committee jousen poster advertisement ahin kipoh cheh a aumnao camp a akitah diu ahi. Chule chunga kisei committee/department nin Centenary Souvenir a advertisement pehkhat (one page) lut a abolcheh ding page khat a hi Rs.10,000 hinla kithopi na dinga hiche sanga tamjo ahin peh diuvin hetsah na akineije. Hiche advertisement hi Nov.10 masanga office hung lut cheh dingin hetsah na akineije. 3. Centenary Monument kihon jou leh KBC Women President ahung thei jousen Baloon Centenary Kuki chaten Tujangvaichong a loupi tah in akilomin Pathen dopsang na akipei ti het na a Women President hon kilom tah a khamtang suit(black) chule white coat ahin kivon soh keidiu ahi. 4. Hiche Centenary sunga traditional dance le dress hi welcome ahin, hiti ahijeh chun 13 Dec ni a vanghi Centenary banner noija umjousen traditional dress participant ho jouse chunga khat beh um umtei ding ahi. 5. Centenary sunga Bu Hotel/Dukan thiljoh ding jousen office langa ikihet to diu ahi Chule Bu Hotel phatah a bolding aumle welcome akibolle. Note: Hiche centenary lolhing tah a kiman chah na dingin Programme a pang speakers chule adang dang ho jouse Choir hon kigot na anei soh tan chule Houbung,Houbung nga jong hetthei tah a celebration kibol na dingin kalsong dingin report akimu tan kipa aumin, hinla hiche celebration lolhin na dingin sumle pai ngaichat dang dang material ho kitup tah a akimu thei na dingin Pathen henga hung taovin. Rev. Thangsat Kipgen, Chairman, Centenary Planning Commt. 14

KBCThuso Phallha/November2014 Mission Report: Mission Column Amasan Pakai lengpileija taona leh thilpeh a vaikon ho jouse leh KBC Thuso simjouse nabonchaovin I Pakaiyu Jesu minin Mission Office a konin kangailutnao Chibai kahinpeuve. Report chomcha petheija kaumjeh in Pathen kathangvah in, achesa nikho le phatteho-a Pakai lenggam na itohkhonao machalna hihen ngaichat hijongleh anoija hin chomchan kahintah lange. 1. Mission Board Field Visit: October 18-22 sungin KBC Mission Board (Chairman Pu Thangkholun chuleh member 2 Pu S. Athang leh Pu Thangsei Vaiphei) keileh Mr. Thomas (Driver) chenghin Manipur khel lam-a itohnao Assam a Mising Field chuleh Arunachal gam-a Mishmi Field visit akibollin, machalna tampi akimun anoija hin field teni-hettheija lom phabep kahintahlange: Mising Field (Assam): October 18 nikhon Imphal a konin Kalbari, Jorhat akijonin, Mising Baptist Kebang ho Centre munna Missionary Jamkhohao tenupa, Evan. Lakinanda Doley te inko chuleh Mising Baptist Association lamkaiho toh kimutona/kihoulimna leh ankong sokhomna akineiyin ahi. Hiche Centre munna hi quarter khatna Haopu tenupa um-a, akom-a eihon igoiyu Evan. Lakinanda te um-a chuleh worker phabep jong hiche compound sunga umkhomu ahi. Kipa umtah in i missionay sol-u Haopu tenupa jong ministry a hatah-a MBK ho akithopi uvin, amaho pao jong phabep athothei lhontan ahi. Haopu loinu Mrs. Henei hi tahsa adamtheipon, taona-a igeldohdiuvin ikitem uve. 15 Mising nam mite hi Mongoloid jat ahiuvin, masanglai chun Miris tin anakihen ahi. Amaho hi Assam gam a ethnic ho lah a anina channa ahiuvin, amaho seidanin population hi lakh 30 vel dingin akiseiyun, Assam gam tilouva Arunachal chuleh mundang danga akithethangun ahi. Tua atamna penu hi ahileh Tinsukia, Dibrugarh, Dhemaji, Lakhimpur,

Mission Column KBCThuso Phallha/November2014 Sibsagar, Jorhat, Golaghat leh Sonitpur District ho-a hin atamchen uvin, Brahmaputra tuipang hi amahon alo-u tithei ahi. Christian polution hi Baptist chuleh adangdang agom-a 10,000 vel hidingin aumin, amaho hi Pathen thu lutta jongleh Least Reached group lah-a pangnalaiyu ahin, Kho/Veng lentahtah a achengun Houbung umna hi lhomcha bou ahinalaije. Achennao inhi lhong in ahin, tol-a kona anoija lutnathei hin akhangsangun, anoija vohcha ahchaho alhauvin, lhongjong vangtah-a kido ahijehin vohcha ahcha hotoh kilhakhom tobang ahi. Hitobanga incheng ahijeh un thenna lampanga alhasamlheh un ahi. Arunachal Field: October 19-21 sungin Arunachal Field kagavillun, kaum sungun Missionary Lalam te umna Tezu munna kaumun, Youth Hostel Project kinei (under construction) kagaveovin natoh amachal jingin Pathen in damna eipeh uva sum le pai aumtheileh kumkit April lamleh thensona neija Hostel run patding tohgon akineiyin ahi. Tezu a konin Missionary Lalboi Kipgen chuleh Evan. Sulim Manyu natohna mun Bekhuliang kagavillun, missionary teni lamkaina in Houbung mihon kipahtah in lamtona leh program eineipi uvin, Sunday School chapanghon vahchoila English leh Eipao (Thungaina hi) tila Lalboi lamkaina in asaovin, taokhomna chuleh ankong jong anasemun kanekhomun ahi. Hou in khat asahlaiyu ahijeh in Mission Board member hon jong kithopina aneiyun ahileh akipahlheh jenguvin ahi. Bekhuliang hi Tezu 16

KBCThuso Phallha/November2014 Mission Column a konna gari a pung khat lampi ahin, in 100 vel ahiuvin Christian hi in lhomcha ahinalaiyun, Sunday School hi Christian chapang ho keo hilouvin Pathen houloulai chapang tampi jong akaiyuvin, kipa umtah khatchu anute apateuvin akaidinga asol-u ahi. Anu apateu jeh in chapang tampi hi Christian hihihjongleu Pathen kom-a taoje thumje ahetaovin, Pathen vahchoila jong tampi ahetjeh un ladang ho sangin Gospel la ahethou insung leh kholai sunga asataove tin aseiyun ahi. Lalboi hi loule ai lam-a jong training neisa ahijeh in adammo hon hatah in abel uvin, alo a konin jong medicine acho jin free in apejin ahi. Mishmi ho pao jong phabep athotheitan Houbung miho titahlouvin a khosung mihon jong aphatchompi uvin, ahomtholeh jengun ahi. 17 October 20 nilhah in Mishmi Baptist Churches Council lamkaiho toh meeting kaneikhom uvin, KBC chunga kipathu aphongdoh uvin, missionary kisolho chunga akipanao leh ahomthonahou, aphatchom pidanhou aseiyun akipahlheh jengun ahi. Field Visit kibolsunga lamkah-a an einehhou 1) Mr. Lenboi Sitlhou le insung mite, Tinsukia chuleh 2) Rev. Lalboi Chongloi (Sirhima) le ainsung mite; 3) Pu S. Lun Haokip (Kohima), President, KBA chuleh ( 4) Pu Thangsei Vaiphei, Mission Board Member, (S. Changoubung) chungcheh uva Mission Board thalhengin kipa thu kaphonge. Pathen in atohnao leh ainsung cheh-u phatthei bohcheh taohen. 2. MISSIONARY/EVAN. HO-A KONNA PATHEN THANG- VAHNA LEH TAONA NGAICHAT 1. Rev. N. Ibomcha a kon: Mr. Utam hi counseling aboljinglai ahitoh lhonin Jesu Christa ahuhhingpu dinga akisantheina dingin taopehcheh uhitin, Zakaiah Ministry hi Pukhao le Naharup munna December lha le boldinga tohgon kineijong achallhah theina dingin taopeh uhite.

Mission Column KBCThuso Phallha/November2014 2. Rev. Amar Rai a kon: Ms. Sangita Pradhan in Penthahna ahinnei toh lhonna ahinkho lhunga Pathen atahsan jinga lhagao lam-a akhanjing theina ding in taopeh cheh uhite. 3. Evan. Z. Khupthang a kon: Mr. Nanda Kumar Pile case akonna ahung damtheng theina ding in taopeh uhite. 4. Evan. S. Loken a kon: Ninoy Singh le insung miten Pathen thu a lunglutna ahinnei nao-a hin, Penthahna ahinneitheina diuva taona ngaichat toh lhonin taopeh cheh uhite. 5. Pastor A. Sen a kon: Ms. Indu Devi damlou na konn a damtheng thei nadingin taona ahin ngaicha in taopeh cheh uhite. 6. Pastor Mangkholen Kipgen a kon: Sunday ni le hin munni a Pathen thuseina aneijingji na hin Pathen lhagao natohna aumjing na dingin taona ahinngaicha in taopeh cheh uhite. 4. Mission Support Target/Share: Tukum 2014 Mission Budget target kineihi crore 1 ahin, Houbung Share a konna target kineichu Rs. 25 lakhs ahin, tunichan in Rs. 13,96,788 ahunglut in tuhin Rs. 11 lakhs vel avatna laiyin, Centre Church ho target kipe ahileh Rs. 52 lakhs ahin, tunichanna kimu ahileh Rs. 32 valjep ahin, Rs. 20 lakhs avatna laijin ahi. Kumlhung ding ahitan, Budget target kineiho tampi avatnahlaijeh in natoh ahahsa lhehtan, missionary ho lhalo jong pehding aumthei tapon, Houbung hon ihingelkhohchehuva November leh December lha sunga hi ipehjouteina diuva taona pum-a pan ilahdiuvin Pakai min kahintem uve. Houbung Share target khokhel ho chunga kipa thu akiseiyin, Pathen in phatthei eibohuva khokhelthei dinga umho jouse jong Pakai minna pechehdingin ikitem uve. Pathen in KBC phatthei bohjing tahen. Pathen le mipi Lhacha, Rev. Dr. Paotinthang Chongloi, Mission Secretary, KBC 18

KBCThuso Phallha/November2014 Tuthah a Nupi te machalna Mission Column Phat masan report petheija ka umjeh in hatchungnung Pathen thangvah in um jing tahen. Tulha report noija hin achom lam in kahin pei; 1. Date 10/10/2014 nin KBC women work committee (WWC) tour Gambih No.16, Senam B/Ch. Munna aga kichen, Gambih nute ho toh thanom tah in kiman khom na akineiji, ahung kikhom jat mi 110 ahi. Khonei houbung miten akikhom nute jouse nehdingin nilhah an asem un, mipi hon kipah tah in an kong sokhomna akineijin ahi. Pathen in houbung mite le Gambih ho phat thei boh jing tahen. 2. Date 11/10/2014 nin KBC Gambih No.8 nute anngol taona programme P.Gelnel B/Ch munna thuseijin kagapngin ahi. Nute ho jouse gunchu le thanomtah in ahung kikhom un ahi. Ahung kikhom jat mi 180 ahi. Khoneiten akikhom nute jouse cha le chang lhah eineh sah un ahi. Khonei hole gambih nute ho jouse chungah kipathu kahin phonge. 3. Date 11/10/2014 nin C/C Salem Saparmeina village houbung lamkai hole nute hon Lydia centre ahung vil un, Lydia centre a um chapangho tilkhon nale chadon khompi na ahung neijun, hitobanga ngailutna neitah a Lydia centre ahung vil jallun convention nute jouse thakhel in kipathu kahin phonge. 4. Date 14 18/10/2014 sungin somle nga (15) vei channa meithai KBC pumpi level in Gambih No.8, T.Champhai B/Ch mun a akibol in ahi. Camper jat mi 120 ahi. Speakers ho chu 1. Pi Lhingboi 2. Pi Chingboi, Child Evangelist KBC le Pi Ngaineng ahiuve. Tuchung meithai camp hi Pathen lhagao thengin ei umpeuvin thusei lasaho jouse Pathen in amang cha uvin, anom lheh jengin, Pathen thangvahna ipeovin ahi. T. Champhai houbung miten jong ima lam jousea kipahtah in pan alaovin, houbung mite chungah Convention nute jouse thakhel in kipa thu kahin phonge. Athilpha bolnao le ana pha toh naovah Pathen in phatthei bohjing taohen. Tuchung meithai ngailutna jal a taona le sumle paija hung pang jouse chungah kipathu akiseije. Noija ahung pang ho min kahin tah lange; Sum a hung pang ho: 1. Pu Thangpao Haokip C/C twibong Rs.1000/-. 2. Pu Lamlet Haokip - Rs.6000/- 3. Pu Thenla EPC - Rs. 1000/- 4. Matijang W/Society - Rs.720/- 5. S.Molcham - Rs.2100/- 6. Molphei Tampak - Rs.760/- 7. Nl.Tingneo C/C Twibong - Rs.1500/- 8. Gambih N0.9 W/Society - Rs.2000/- 9. Pi Jamnei WWH KBC - Rs.3000/- 19

Women Column KBCThuso Phallha/November2014 10. Pu HH Mate C/C Twibong - Rs.1000/- 11. Rev. Thanglen Haokip & Family S.Kanan Veng Rs.2000/- 12. Pu Gogou & Margaret Hmar Veng- Rs.500/- 13. Nl. Phalam M.Lambulane - Rs.500/- 14. Pu Thangkholun & Family C/C Twibong Rs.4000/- 15. Nu Neng Sarampatong - Rs.500/- 16. Nu Nemchin Twilelon - Rs.1000/- 17. Pu Hemsei & Family Leijang Khopi - Rs.5000/- Thil la hinpe ho: 1. C/C Canaan Veng W/Society 2bags Rice. 2. Matijang 20 Kgs Rice, 2 packets salt, chilli 500gms, 1 gourd (umtam). 3. S.Molcham Sugar 5Kgs. 4. C/C B.Vengnom 1 Bag Rice. 5. C/C Twibong 1 Bag Rice, 3 dish wash bottles, turmeric powder 1 packet, oil 1bottle. 6. Gambih Pastor pa le insung miten 1 bag Rice. 7. Nl. Boinu le insung miten bongnoi theng 12 litres. 8. P.Gelmol 1 Bag Rice. 9. Pu Peter & Family Juice 5 box. 10. Gambih No.8 W/Society Rasgula 16 cans. 11. Pu Thangson & Family 2 Chicken (ahchal). 12. Pi Lhingneinem Sugar 2Kgs. 13. Pi Domnem T.Champhai Sugar 1Kg. 14. Pi Hatkhochong T.Champhai Sugar 3Kgs. 15. Nu Hoikhonem T.Champhai Sugar 5Kgs. 16. Nu D.Mary T.Champhai Sugar 10Kgs. 17. Nu Boinu Secy. G/B No.9, tehse ho keng moija khat cheh apei. 18. Pi Hekim & Family Sweets 3packets. Somle nga vei channa meithai camp a sum le pai, thil le lo tha le junga 20

KBCThuso Phallha/November2014 Women Column pang ho, chuleh taona pangho jouse amincheh in ahungkiphong nom in ahin amun aumthei tah loujeh in phamo akisan amaho jousechungah kipathu convention nute jouse thakhel in kipathu sangtah in kahin phonge. Pakaija natohkhompi u Nl.Lhingbem Haokip Secretary, Women Department KBC (I). 21 Molphei Tampak Baptist Church Chapang Camp lolhing tah a kichaita. Annual Assembly resolution No. 4:64;2014(b) kumsunga tohgon Chate Camp chu Pathen mapuina jallin Speaker Evan, Thangboi leh Evan, Haopu, Camp director Gl. Ngangam M.Div, chuleh Camper 93 panna in Dt, 26th, - 28th, September 2014 sungin lolhing tah in anakichai theijin Pathen thangvah in um hen. Khangdong teho tahsa leh lhagao lam hinkho khohsah nale ngailutna lentah neipum in Speaker teni le Camp Director pan chapangho eihil peh un achunguva kipathu pakai minin kahin seijuve. Camp sunga chapangho neh le don a eikisah lelpiu nule pate ho chunga jong kipathu kahin phonguve. pathenin nathilpha bolnao chunga phattheina thalhing set in napejing tao hen tia hiche KBC Thuso mangcha a kipa thu kahinseiju ahi. Pathenin phatthei naboh cheh tao hen. Amen. DS. Lamkholen Kipgen Secretary, M. tampak B/Church No. 8

Obituary KBCThuso Phallha/November2014 MOLLEM NA CHUNGA KIPATHU SEINA Achesa niisim 16th Oct, 2014 nikho 2:15 pm in Ka-U Lhingboi Haokip W/O (L) Pu Dongkhogin (Ginpu) Haokip in KCC Hospital, Imphal a eina mollep san na chunga eihung kithopi hou leh ei lunghempi hou, chule sumle pai, tha le jung le naphat mantam tah u senga eihung boipi hou le a longdamsa pohna dinga Ambulance eihinpeu Pu Dr. T.Lunkim chule sah le lhanga ulenao, KBC Lamkai hole Staff ho Leimakhong C/C, New Lambulane C/C chule ajapha chan Hospital a eihin del lut hou jouse, chule inmun langa alongdamsa jan khovah a toupia eilhamon hou le Dt,17th Oct, 2014 nikhoa C/C Salem Village hole khosung miho pan lahna jalla lhan mun a alongdamsa eivuipeh u Rev. Tonglet Haokip Pastor KBC C/C Leimakhong nabon chaova chunga kipathu Pakai minin kahinphonge. Chuleh ka u Lhingboi damlou sunga KCC Hospital a akijen sungsea sumle pai ijakai eipoh dohpeh uva Pu Ngamthang Haokip, Minister le aloinu Pi Heshi Haokip chuleh Pi Boinu Haokip langol, chuleh Hospital mun a Doctor hole Nurse hon ngailut na neitah a eijenpeh nao chunga kipathu seijoulou kahinseijin ahi. Amichang cheh chunga kipa thu akisei thei lou jeh in hiche KBC Thuso mangcha in insung mite ho jouse thalhengin kipathu kahinseijin ahi.. Nathilpha bol na chunguva Pathenin phatthei naboh cheh tao hen. Kakipah e. Pakai lhacha, Rev. Thanglen Haokip Pastor KBC C/C S.Kannan veng, KBC No.8. Churachandpur. 22

KBCThuso Phallha/November2014 KBC CENTRAL CHOIR TOUR Youth Column Achesa 17th - 21st Sept, 2014 sungin KBC Central Choir ho Mission exposure Cum Centenary thangkou na Tour akibol in, 17th jingkah in KBC Office a konin akikipat doh in nilhah langin Mission Centre Amrijan, Assam akilhungin, Missionarypu Evan, Lunminthang le Gambih No.18 Pastorpu (Pastor Lunjalen ) le ainsung miten kipah tah in eina vailhun un neh le chah einasem peh un, nilhah in avel a cheng eimi ho jouse Worship Service akinei khomin, Central Choir hon Pathen vahchoina la asaovin, Missionary pa tilkhouna le taopeh na jong akineijin kipah tah le thanom tah in kaikhom na chu akichaitai. Mipi kaikhomna kichai jouvin jan pung 10 vel in Shillong lam jonin kakal songpan taovin, ajing jingkah 6:00 am in damsel in Shillong kagalhung theijun, Cherrapunji kagaveovin vannoija go hajuhna tampen mun Pathen thilsem kidangho kamu uvin Pathen thangvahna kaneijun ahi. Nilhah lam 3:30 pm in Shillong KWS lamkai ho leh Pastor Paolun Haokip KWS Happy Valley jaona kipah tah in Welcome einabol un, lhun na gena, neh le chah phatah in eingaito peh un, Programme jong anopna theipen din einagon peh un Centenary thangkouna toh kilhonin KWS Shillong le KWS Happy Valley mun a Central Choir hon Pathen vahchoina le Pathen thua kilamkai na akineijin ahi. Hitabanga kitup tah a ima jouse a guide eibol uleh eiboipiuva Shillong KWS le Happy Valley KWS lamkai chuleh KSO le mipite jouse chunga KBC Youth Dept, thalhengin kipathu sangtah in kahinphongin, chuleh Shillong KWS Secretary Pu Letkhonah le ainsung miten jong an-eineh khompiu na chunga kipathu kahin seijuve. Suhmil theilou khat chu Pu S. Chongloi in Central Choir ho ngailut na neitah a Shillong Radio Station Recording bolna Programme jong einagon peh uva, Shillong Radio Station a eipaova Pathen vahchoina akisah thei jeh in achunga Pakai minin kipathu akiseije..dt, 20th Oct,2014 nilhah lamin Shillonga konin Imphal jon in kahung kipat doh un, Gauhati mun a Missionary Evan, Seiminthang Kipgen le aloinu jong kahin vil paovin tilkhou na akineijin, Imphal kahin jon taove. Pathen in tuchunga ka Tour chanaova lolhin theina dinga Pathen henga eina taopeh hou jouse chung Pakai minin kipathu kahin phonguve. Pathenin phat thei naboh cheh tao hen. Kakipah e. Rev. Tunkholal Haokip, Secretary, Youth Dept, KBC 23

Report KBCThuso Phallha/November2014 BRIEF REPORT ON INDIA MISSION SUMMIT 2014. Achesa October 2nd to 5th ni chan chun American Baptist International Ministries te organise na noiya NBCC Convention Centre Kohima mun ah CBCNEI noiya thalheng in Nagaland Baptist Church Council ten host ana bol un ahi. India Mission Summit a hung jao delegates ahileh mi 964 aval in chuleh India Mission Summit a Partner Organisation ho chu ahileh, 1. American Baptist International Ministries 2. Abundant Life Ministetrial Associations 3. Banjara Baptist Sanghevur Malawo 4. Banjara Development Trust 5. Baptist Convention of Telegu Churches 6. Bengal Orissa Bihar Baptist Churches Associations 7. Council of Baptist Churches in North East India 8. Arunachal Pradesh Baptist Convention 9. Assam Baptist Convention 10. Garo Baptist Convention 11. Karbi Anglong Baptist Convention 12. Manipur Baptist Convention 13.Nagaland Baptist Church Council India Mission Summit sunga chun speaker a pang ho chu ahileh India sunga thusei minthang ho leh Bible lam a hetgilna neisang ho ngen apang un ahi. Hetthei phabeb ho chu ahileh Rev.Richard 24

KBCThuso Phallha/November2014 Report Howell, Gen.Secy. EFI, Rev.Reid Trulson Executive Director of American Baptist International Ministries,A.K Lama former CBCNEI Gen.Secy. Mr.Jacob Isaac founder and CEO of Kerygma Ministries, Mr.Valson Thampu Principal of St.Stephen College University of Delhi chuleh adang mi phabeb jong apang un ahi. India Mission Summit ahin eiho KBC a kon in jong Rev.N.Haokip Gen.Secy.KBC lamkai nan Rev. P.Chongloi Mission Secy.KBC chuleh Rev.Tunlal Haokip Youth Secy.KBC jong agakipang in ahi. KBC a kon delegate a che ho cheng hi Kohima KBA te Church guest house mun ah eilhun sah un, chuleh hiche mun a chun KBA Executive Secretary Rev.Minlein le Church Pastor pa Pastor Tongpu lamkai na n nomtah in worker ho eina boipi jing un achung cheh uvah Convention thalheng in seijou lou kipana kahin phong e.suhmil theilou khat chu ahileh Mission Summit sung in Kuki Baptist Church Kohima te President pu.s.lun Haokip lamkai na n Manipur akon eimi hou lamkai Summit a pang jouse chuleh Myanmar gam a kon Dr.Yamkhopao Haokip chuleh aloipa Myanmar Baptist Convention a President a pang jaona in Worship Service einei khom pi un chuleh Hotel thupi tah khat a Ankong sokhompi na jong eineipi un ahi. 4th October,Saturday nikho ni n KBA Executive Secretary chuleh Pu.S.Lun President KBA lamkai na n KBC Delegate ho cheng chuleh Myanmar a kon Delegates teni toh Molvom le Khaibung vilna eineikhompiun chuleh Khaibung mun ah jong Ankong sokhom pina eina nei pi un ahi.ahideh in Khaibung mun a KBA Staff ho le Presilla training Centre a trainees hon jong kipa thilpeh amaho khut soh mong mong eina pe un ahi.hitobang thilpha Pakai lhacha ho chung a abolnau vah seijoulou kipana Convention thalheng in kahin phong kit in ahi. India Mission Summit sung in boilheh jong leh KBC akon delegates hon Manipur a Kuki Baptist te Centenary a dia Speaker a kikou ho jong kimuto pi na jong anakinei yin ahi. Mission Summit a kon Mission natoh na lam a jildoh thei tampi jong akimu doh theijeh in Pathen thangvah in umta hen. 25

Report KBCThuso Phallha/November2014 NUTE CAMP 2014 KBC Centre Church B. Vengnom Mission Board Sponsored na noija houbung in agon Nute Camp - 2014 chu 23-26th October 2014 nikhosung chun Rev. S. Prim Vaiphei Speaker hina Rev. Henjalen Doungel Church Pastor Camp director cum Devotion leader hina chuleh Ng. Chochong vahchoi lasa a pan nan lolhing tah in akichai tan ahi. Hia chun camper 93 alhing in lolhing tah a jo ahiallin Pathen thangvah in um tahen. Pakaija lhacha Rev. Henjalen Doungel, Pastor, Centre Church B. Vengnom. Kipa thuphon Achesa nisim 2-5 Oct, 2014 sung hin Yangngoubung Baptist Church No. 14 mun a Chate Camp akimangin Camper mi 40 ahin, Camp Speaker Evan, Jamkholal Haokip, Camp Director Pastor Jangsei Doungel ahilhon in, chapang mi 12 in Jesu Christa huhhingpu in akisan theijun Pathen thangvah aum lheh e.. Camp sunga chate ngailut na jal a an mading hintoh ho : Pu Jangkholun H/Deacon, Pu Jangthang, Pu Jangpao Baite, Pu Jangmang Hb, Secy, chuleh Houbung hole BYF ho jouse chunga Pakai minin kipa thu akiphonge. pathenin phat thei boh jing tao hen. Pu Jangkholun H/D Yangngoubung B/C Jangmang Guite Secy, Yangngoubung B/C 26

KBCThuso Phallha/November2014 Report Youth Day le Centenary Thangkou Lucky Draw le An-ngol taona 1).Achesa nisim 3 Oct, 2014 Friday nikho hin Centanary thangkou Lucky Draw chu Thingphai B/Church KBC No.14 mun a Gambih Choir Lajil sung hin akibol in, Pathen lungset in Gambih mipin thanom tah in lollhing tah in akichaitan, Anoija chengho alolhing ho ahiuve. * First Prize = Chinise Bike - Mrs Vungneo New Samtal B/C * Second Prize = TV Flate & EVD- Miss Nemneikim Molcham B/C * Third Prize = Chinise Generator- Nengboi Logos CCPur. * Consolation Prize = Tharmoflash - Mi 10 khat cheh kipe.. 2).Youth Day 5th Oct, 2014 Sunday nikho hin Pathen lungset jallin gamsung hahsa lheh jongle G/No. 14 ten jong Thingphai Baptist Church mun a Youth Day gamsung nungah gollhang mi 70 pan nan kipah tah in akimang chai thei tan, hiche nikho a Pathen thua eilam kaiju Pastor Mangjapao Gambih Pastorpan Khangdongte leiset nopsah na akon a kiven dingdan (Rom, 12:2) thu a tilkhou eina nao chungle Thingphai Houbung miiiten gena touna phatah a eibol peh nao chunga kipa thu Youth Dept, in Pakai minin akiphonge. pathenin Houbung mite jouse phatthei boh jing tao hen. 3) Gambih An-ngol Taona: Achesa nisim 11-13, Oct, 2014 sungin Gambih mite mi 117, pan nan Molpibung B/C KBC No.14 ah Anngol taona akimangin ahi. Tuchung taokhomna ah mipi kaikhom 3vei aumin, Thupi: Nneihin kou in Jer, 33:3 ti mangcha in Pastor Mangjapao, Gambih Chairmanpu Ngamjatong leh Gambih Evan, Pu Jamlal amaho a konin mipi tilkhou na nasatah aneijun, Program Co Ordinator Pu Jangpao le Gambih Secy, lamkai nan taona Items taopeh dinga hung kigongho, KBC ading, Gambih a ding, Houbung hoa ding, Missionary ho a ding chule gamle nam le adang dang ho a dingin kilung khat tah in taona akimangin Pathen thangvah le vahchoijin umjing tahen. 27

Report KBCThuso Phallha/November2014 KBC CENTRE CHURCH LAMPHEL IMPHAL PASTOR QUARTER THENSONA AKINEI TAI Pathen lungset naleh mapuina jallin, achesa Nisim 30th March 2014 nia KBC Centre Church Lamphel Hou-in thensona anakinei chu, Pathen vangbohna jallin Houbung mi akibe jing toh lhonin, Pastor Quarter sahdoh nading lunggel ana kinei toh lhonin, sopi mi phabep leh Houbung mipi hapan najallin, achesa Nisim 14th September 2014 nikhon Rev. Demneh Doungel Gambih Pastor leh atohkhompi Gambih executive work committee ho makainan Pastor Quarter chu thensona leh hondohna akineitan ahi. Hiche nikho a ngailutna neitah a pan hung la Gambih Pastor chuleh gambih a atohkhompi ho chung a kipa thu akiphong e. chuleh Houbung mite ngailutna jal a hung kalsong sopi ule nao ho chung a jong Houbung miten kipa thu kahin phong uve. Chuleh vahchoila ngaitah eisahpeh uva, KBC Centre Church Canaan Veng BYF te chung a jong kipana seichim joulou akiphong e. Pastor Quarter sahdohna ding a pan hinla sopi ho min leh atodoh u noija hin kahin tahlang uve: 1. Pu. Letthang Haokip. chassad Evenue Rs. 20.000/- 2. Pu. Douminlal Haokip. Lamphel Rs. 10,000/- 3. KBC Centre Church NGV Rs. 10,000/- 4. Pu. Semlun Haokip. N.Lambulane Rs. 5,000/- 5. Pu. Satjang Kipgen. Canaan Veng Rs. 5,000/- 6. Pu. Khuplam Doungel. Canaan veng Rs. 2,000/- 7. Pu. Seiboi Haokip. Lamphel Rs. 4,000/- 8. Pu. Haopu Misao. Lamphel Rs. 4,000/- 9. Pu. Lunpao Haokip. Lamphel Rs. 4,000/- 10.Pu. M. Thangboi Haokip.Lamphel Tin ban 3 leh Fan 3 Chung a hung kitah doh ho, migun ja umtah ho chung a Houbung 28

KBCThuso Phallha/November2014 Report miten kakipa nau KBC thuso mangchan kipa thu kahin phong uve, Pathen in amaho leh a insung miteu phatthei boh jing tauhen. Chuleh anikho a mipi anneh khomna a sum le pai hinpo doh Houbung mi phabep ho chung ajong kipana akiphong e. amaho chu: 1.Pu. Haopu Misao 2.Pu. Seiboi Haokip 3. Pu. Pahel Haokip 4. Pu. M.Thangboi Haokip 5. Pu. Lunpao Haokip 6. Nl. Sophia Misao, anchang bag keh.. Houbung ngailutna jall a ahung kipeh dohnau chung a Houbung miten kipa thu akiseijin, Pathen in ainsung u sum le pai aholnauva phatthei boh jing tauhen. Chukit leh Hiche nikho a neh le don a ana kisaboi Houbung miho chung ajong kakipana kahin phong e. Hatchungnung Pathenin ekiloikhom nau KBC phatthei bohjing tahen. Pakai lhacha Keima: Pastor Seiminlen Haokip KBC Centre Church Lamphel Imphal 29 Kipa thuphon Date 11-24/10/2014 sunga damlouva hospital a kaum sunga sopi ule nao ten ajapha channin neihin taopeh uva, chuleh hospital a eihung vil a panpina eipeho hihen lang chukit leh T.Champhai meithai camp a camper a pangho Gambih No. 8,9,10,11 chuleh 12 hon taopeh nagoh hilouva neitokhom neihin bolpeh uvin nangho jouse taopeh jal in Pathen in damna eipe kittan nangho jal in Pathen kathang vah in eitaopeh, eipanpi jouse chungah seijoulou kipana Pakai min in kipathu kahin phonge, thilpha nabol nao chungah Pathen in nangma leh na insung cheh uva Pathen in phatthei naboh jo tauhen. Kakipah e. Keima, Pi Lamkhoneng Haokip, Ex.Women President, KBC.

Report HUHHINGNA CAMP ANA CHELHA KBCThuso Phallha/November2014 Achesa nisim 8-13, Oct, 2014 sungin Keithelmanbi Solam Baptist Church KBC No. 5 mun na Mission Board tohgon na noija Huhhingna Camp lolhing tah in anna kichaijin ahi. Huhhingna loupi hi nahsah mo leu hen eiho iti isochat dingu ham. Heb, 2:3 hi Thupia mangchan Evan, Helun Chongloi leh Evan, Paogin Haokip Speaker hina le Gl. Letkhojam Camp Director hinan Pathen lungset jal in khosung le Houbung sunga boina le hahsat na imacha umlouvin Campers 52 panna in lolhing tah in akiche lhan Pathen thangvah aume. Tuchung Camp lolhin na dinga Houbung mi, khosung mi sum le pai, nei le gou chule tha le junga pan hinla ho jouse chunga kipana alen ne, adeh in Hon ble local MLA Pi Nemcha Kipgen, Pu Jangboi Kipgen chule KBC Houbung Board of Deacon, Women hole BYF ho chunga jong kipana Pakai minin akiphongin, achung chonin Camp Speaker teni le Camp Director chunga jong kipana sangtah Pakai minin akiseijin Pathen in phat thei naboh cheh tao hen. Mission Board Keithelmanbi Solam Baptist Church, KBC Gambih No.5 MCI TOH KIHOUTOH NA AKINEI TAI Kuki Baptist Convention (KBC) sunga kihetkhelna jeh a KBC Houbung phabep khat KBC dalha a Methodist Church of India (MCI) anajop nau thua kon a kihouchamna natoh ahung umto kilhonin, achesa October 12 (Sunday), 2014 nikho chun, jingkah lang nidan ko le akeh (9:30 am) in, Molnoi Area Centre Church munah Pu Janglet Haokip, Social Worker (Meeting Chairman) le Pu Ngamkholun Haokip, Social Worker (Meeting Secretary) 30

KBCThuso Phallha/November2014 Report lamkaina in MCI Houbungho le KBC in kihoucham kitna (Reconciliation) Meeting ana kineiyin, boina imacha umlouvin MCI Houbungho le Molnoi Area Centre Church KBC a thakhat a umkhom le tongkhom kitdingin kihouchamna (Reconcilation) ana kineita n ahi. Kihouchamna akineito kilhonin Pu Janglet Haokip, Meeting Chairman in, Veuvin aluichengse manga ahita n, athah ahitai atito lhonin, Tunia kipat in MCI le KBC hi KBC a akium khom in, thakhat akihitai tin phondohna aneita n ahi. Hicheto khilhon chun Pu Ngamkholun Haokip, Meeting Secretary in MCI Houbung a sum le pai/thil le lo (Property in cash & kind) KBC khut a pehdohna aneita n ahi. Hiche banjom chun nidan som le khat (11:00 am) in mipi kaikhomna akineiyin, Pu Ngamkholun Haokip, Meeting Scretary in, Tunia pat in MCI Houbung hi KBC a um ahitai, ti n Meeting kilolna asimdohna le pehdohna aneiyin ahi. Hicheto kilhon chun, Rev. Ngamjapao haokip, General Secretary, KBC in Psalms 126: 1f simphongna aneiyin, chuto kilhonin, Tuni, 12th October (Sunday), 2014 nikhoa kipat a MCI le KBC hi KBC a kigomkhom ahitai; koitobang Pathen min a taona puma kibolsa sukeh/suse aumle Pathen in achung thu tantahen tin phondohna le lahlutna kin chu Pathen henga taona in akhumkha ta n ahi. Aban jomin, nilhah lam nidan ni le akeh (2:30 pm) in mi kaikhomna akinei kitin, kumlhun Houbung Assembly kah a dingin Molnoi Area KBC Centre Church Board of deacon ho lhandohna aneiyin, Rrev. Dr. Hawlngam haokip, General Secretary, Emeritus, KBC in, Psalms 133:1-2 le John 17:14 a kon a pansa n Kipumkhat thuah thupi (Message) giltah le ngeitah in aseiyin ahi. Hiche nikhoa thalhenga thuseiho chu ahile, KBC lam a Pu Alun Haolai, President, KBC ahin, Pu S.S Haokip, Molnom inpipu, Pu Janglet Haokip, Social Worker, Pu Thongpao Houbung thalheng, Pu Chongthang Haosaho thalheng, chule Pu Holkhai yin Pastoral Committee ho thalhengin houlimna aneiyin ahi. Pathen vahchoi la sa in KBC Central Choir le KBC Gambih no. 16 Choir ho apangun, mipi lungthim asuthou lheh un, kipa aum lheh in ahi. Pu Onkholal Kaokip, Kangbrol Haosa pu n Sel (Mithun) khat ahintoh doh in, mipin kichamkitna ankong akisohkhom in, kip- 31

Report KBCThuso Phallha/November2014 ahtah leh lolhing tah in Programme akichaitan ahi. BONGLI BAPTIST CHURCH MUN A Houbung 8 kilalutbe Date 12/10/14(Sunday) nia Centre Church Molnoi Area (pallel)mun a KBC le MCI, tongkhom kit dinga kinop tona Reconcilliation feast akinei to kilhon in, Date 19/10/14(Sunday) nin Bongli Baptist Church mun a Houbung get (8) lahlut na akinei kit in ahi.hiche nia ponlap kikhai chu ahileh, Bongli Area KBC,a ahung kilekit kipana maicham leh An-kong sokhom na kin gon, ti Thupi in akimang in ahi.hiche nia akilalut laha hung pang Houbung ho chu ahileh: - (1) Bongli Baptist Church, (2) Kuljang Baptist Church, (3) Leithao Baptist Church, (4) Bongmol Baptist Church, (5) Molpi Baptist Church, (6) Samukom Baptist Church, le (7) Haikot le Peljang Baptist Church ho ahiuve. C/C Molnoi, Molnom B/C le Bongjang B/C toh akigop le abon in Houbung somle khat ahitai.itih a kot kihong jing ding ahin,ahung kile nom jouse chu kipah tah a kisang jing ding ahi. Akilah lut toh kilhon in Houbung lamkai hole Haosa toh Rev. Thangkhogin Touthang, Pastor Gb. No.16, Chiarman hinan meeting akineijin, Kivaihomna, kivaipohna, chule um dan ding ho jouse akisei khom in,mipi langa kona demand or thudoh hojouse donbut na le hetsah na General Secretary pu n aneijin ahi. Haosa hole houbung lamkai ho chule ahung kikhom mipite ho kipa dan le lungnop dan kavet le Pathen ka thangvah lheh jengin ahi. Hiche nia An-kong sokhom na dinga chu Vohchal tuhgup khat anathat uvin,hichu lhang sung Haosa hon paisa ato uva ana choh u ahi. Haosa ho Pathen in phat thei boh jing tao hen.convention min na ka kilhonpi Gb. No.16, Pastor pa, Chairman pa, Secretary pa, chule Molpi Haosa pu ho chunga jong kipa thu kaseijin ahi.thilpha jouse Pathen a hung kon ahi, Pathen thangvah na ipeuvin ahi. Kuki Baptist Convention Pathen in phat thei boh jing tahen. Rev. Ngamjapao Haokip, General Secretary, KBC. 32

KBCThuso Phallha/November2014 Report RECONCILIATION PROGRAMME KBC & MCI Amun : Molnoi Area Centre Church Nikho : 12th October, 2014. Tuchung/tuni Programme a hungpang jouse chunga nabon chaovin kangailut nao salam kahin peove. Tunia keima Alun Haolai, President- KBC in tahsa le lhagao lam a kipun khomna hijongleh tuni hin tahsa thudolla seiding jouse phabep kasei nom e. 1. Tuni nikho hi KBC thusim a dinga nikho loupe suhmil theilou vin kagelle. Ajeh chu- KBC thusim ahin kaven ahileh 1970 s phatsunga hin KBC a kihet to themlou na jeh a kikhenna tamtah aum e. Chongthu Baptist Association (Ch.B.A), Thadou Baptist Association (TBA), Kuki Christian Church (KCC) chule Lonpi Area Kiki Baptist Association (LAKBAM) in, kikhenna naum ho khatcha kihou chamna/kingaidam tona akinei theipon, tuni changeija kikhen na aum jengtai. Tuni Programme lolhing tah a akiche theina hi Pu Janglet Haokip-social worker le Pu Ngamkholun Haokip, chairman le secretary hina a kihoutoh na, kihetto themna chule kichamna ankong umthei dinga akium nachunga amaho ahin, adeh in Nampi lamkai ho chunga kipana kahin phonge. Tuni nikho hin seinom tamtah umjongleh thudang dang seipong ting, Molnoi Area Centre Church thusim joh kasei nome. Mi tampin hetlhing loujeh, hetkhen thei lou jeh a kiboina tampi soh jong aumtheije. Hijeh chun tuni hin asungthu hetthem na dingin kasei nome. 1. Molnoi (Pallen) Area Centre Church Hung kibol le ajeh: 1996 kum L.Chajang Assembly a gelkhomna ana kineijin, Molnoi Area (Pallen) mun hi Strategic khat ahin, Phaicham meilhei tetoh kigam git ahin, Anina a hiche lai mun hi khopi len khat akisem doh a Hobung lenkhat akitun doh lou leh khonung le Politic lam ahin, Social, chule Religious lam a hijong leh Kuki te khonung a lhahsam na umthei ding ti akimu jeh in Plan nei ding Pu Alun Haolai, President le Pu Rev. Dr.Hawlngam, General Secretary lamkai na in ana kipan ahi. 1998 KBC Assembly a kipat in Molnoi (Pallen) Area Plot le Church Building sahdohna ding in KBC n Budget ana kigongpan in 2008 kum 10 (one decade) sunga KBC n Budget Sanction ana kiboldoh sum hi agomin Rs.30,00,000/- vel ana hi. Hiche chung chonin Partnership akon le Local Contribution akon in jong sum le pai holna thei jousea ana kiblla hiche Molnoi (Pallen) Centre Church hi ana kisa pan a Rs. 90,00,000/- lutna ana kichai ahi. Kum 10 sung a Molnoi (Pallen) Area Project-Plan ana kibol patna kipat akichai kah kum 10 sung a hi lamkai jong term dung juija ana kikhella 33

KBCThuso Phallha/November2014 Report noija ho mopohna hi hiche Plan hi anki che ahi.president Pu Alun Haolai, Pu Yamkhothang Haokip, Pu Rev.Dr. Hawlngam Haokip, Py Rev. Tongkholun phat a ana kichai ahi.general Secretary mopoh na anala chu Rev. Dr.Hawlngam Haokip, Rev. S.N Gangte, Rev. D.T Haokipchan a anakichai ahi. Finan Secretary mopoh na ananei chu Rev.Yangngam Haokip, Rev.D.T Haokip, Rev.Paokhosei Kipgen chule Rev.ST Onmang phatlaija ana kichai ahi. Rev.Dr. hawlngam Haokip, President KBC in 2008 kum in Pathen henga katdohna/thenso na ananei ahi. Tehnsona ahung kibol jouva kipat in boina ahin lhum khumpan in, 2010 kum in hiche Molnoi (Pallen) Area Centre Church KBC a dinga jong Plan-Project lenpen chu Hampa donglai kivat tan bang in ana umtan, KBC te dinga jong lunghanna, Nampi dinga jong lunghanna, amun a um Houbung ho ding jong lhasetna leh lunghanna anasohtai. Hiche Molnou (Pallen) Area Centre Church kibol hi akigon tilla kipatna nampi khut thahatna khat hi ana kimang ahi. Ajeh chu Kho le Houbung tamtah gopkhom a Houbung khat a um sah ding kiti chu Kuki context a ding a ahithei lou beh thil khat chu ana hi. Hijeh chun Nampi ho tha jong ana kingaichan, akimang in tuni changeija Houbung khat a aumjing hi amaho natohna gal en pen chu ahijinge. Hijeh chun Nampi ho chung a jong kipatheu akiseije. Pakai kum 2010 kum a kipat runi Dt.12th Oct. 2014 nikho changeijin Methodish Chuch of India (MCI) khut a ana umtai. Pathen programme hintin Nampi ho lunggel themna jallin tuni nikho in achesa phat phabep sunga kihetto them louna jouse, akibol khel akitong khel jouse chunga kicham kitna aum a khat le khat kingai dam to a (Re-conciliation) thil jouse ahina bang bang a umsah kit thei dinga Kuki Baptist Convention, India in kingai damtona ANKONG sem a (Re-conciliation Feast) neidinga Pastorate Committee hetsah na le taona kinei amahon jong kipah tah a apom uva tuni Dt.12th Oct.2014 nikhos Programme ahina ding dolla akiche lhah thei na chunga Amun a um Nampi lamkai, Gamsung a Haosaho, Social lam a Lamkai chule Houbung langa mopohna neiho jouse chunga jong kipathu kaseije. Tunia kipatna Achesa thil ho isuhmil uva khat le khat ikingaidam touva, tuni nikho a Kuki Baptist Convention, India in KINGAIDAM TONA AN- KONG kisem jong hi kipah le thanom tah a umkhom cheh ding in jong ahung kikhom mipi ho jouse katem un ahi. (FORGIVENESS & FORGET) Hiche to kilhon a tunikho a kipatna Houbung hi Mihem ho lunggel suhbulhitna ding Mihem ho deija hilouva, Pathen lungdei suhbulhitna ding le Pathen lungdei ja Houbung chena lhongpi hi akitol pat a Pathen 34

KBCThuso Phallha/November2014 Report Lengam a dinga GASODOH/KINEPPI UM HOUBUNG khat hiding in jong Amun a um Houbung mite ho tilkhouna thu in kaseinome. Tuni a hung kikhom ho Lamkai le mipi ho hetding in Achesa phat thilsoh phabep Review kabol nom le mipi jahding le hetding a kadei ho chu:- 1. KBC le Molnoi Area C/C Or MCI General HQ. kikah a Correspondence pha bep anaumin, ahin chingthei tah in akibollin, thilse asobe na thei ding ho a konin chingthei tah in lunggel na anakineije. 2. 2011 KBC Assembly kilolna dungjuija Govt. a Court Case bolding thu jong ana kiseije, 2011 a keima tah President mopohna kahung changtan, kagellin hiche a hi Court Case akibolle aphatna sanga asetna umdinga kanamu jehin kanatingtan in akiboltapoi. Ana kibol le tuni a Re- Conciliation programme hi umlou maithei ahitai. 3. Mi phabep geldan in Hou-in mun hi Building hihenlang plot hijongle amun a umho MCI kichohsah ding thu jong ana kiseiging in ahin keiman kasei chu Gam jong akijoh theijin, Building jong akijoh thei jin Mihem vang akijoh theipoi, tunung tengleh hitiho thu seitah lou ding geltah lou ding ahi kanatin ahi. 4. Molnoi Area (Pallen) Centre Church kibolna a hi lungthim tam tah alut in tha tamtah alut in Pathen sum Som a khat/maicham sum a kisa ahin, hiche a kon a boina umsah lou ding, boina aum sang a amang chachan manbei(free) a manchah ding joh kanadei ahi. 5. KBC kiphudoh jouva Association 7 a kivaihomna anaumlai jin hiche gamkai hi Ayapulen Kuki Baptist Association sung a ana um ahi. 1978 kum a LAKBA ana chomdoh in tuni geijin akiki gomthei tapoi. 6. 1989 kum in Molnoi Baptist Church, mun a KBC Assembly ana kibol kum chu Constitution Revision kum jong ahin, KBC hi amin khella KUKI hi lahdoh tahding a akikhom atamjon 90% in adei ahin, Pu (L) Thangkhosei Haokip (Sita) aman keiho AYKBA vang KBC kalha lou diu ahi anati jeh a kikhenna ding akidei lou jehin mipi atamjo dei jijongleh keima tah President (Chair) kanahin Chair a konin Ruling akibollin, KBC chu angai ngaija umding in akikoijin tuni changeijing iche taovin tukum leh Centenary kimang ding ahitai. Akibol jou se kipun khom akideijin kikhen tel KBC n akideipoi ti ahi. 7. Achesa 2002 kumin sottah ana kiki khensa ahitan, Pu (L) Thongkhopao nungui Houbung hotoh KBC kihouna ana kineijin, Gamsung miho hapan najalin, 1983 kum a Pu Helmang Touthang President le Pu Rev.Dr.Hawlngam Haokip General Secretary phatlaija Mission khat chu analosam ta jongleh athah in akigong kitin kihou toh na akinei toh kilhon in Houbung miho toh MOU ana kibol in, Hetjingna SONG khang- 35

Report KBCThuso Phallha/November2014 barol mun a ana kitung in, Haosa pun Selchal khat ana that in Pathen lenggam a ding in natoh khom na ahung kipeijin tuni geijin dettah in hiche kum a thil kibol chu aumjing tai. Pathen thangvah aumlheh e. Comment : Kuki Baptist Convention hung kiphu doh jou vin KBC n boina chom chom ahung kitoh in, KBC a konin Thadou/Chongthu Association ahung kisem doh leh Sadar Hills, Ukhrul District nasatah in asukhan, 1979 kum a KCC ahung umdoh kitleh Sadar Hills, Tamenglong, Ukhrul District nasatah in asukhan, Chandel District hi hiche ho akonin nana hoidoh un, 1978 kum in Pastorate jeh in LAKBA ahung chomdoh in tu khonung in gelphah lou beh in MCI igamsung uva ahung gingdoh in phamo kasa lheh jeng in ahi. KBC thusim phate chan kaven Pathen in KBC kivaipoh na hi nangma ho gamkai hin namopohna diuva ngansena chang dan a kanagel ahin, keima geldanna KBC kivaipohna sung a hi gamkai dang dang akon a ipi thu umjongleh nang maho, Chandel District a umho hin KBC hi ahuhding le atingpi gu a pang dia kagellu ahin nangma ho jong alung lhai lou lah a nahung pan u hi kihollel um kasa lheh in ahi. Keima (Alun Haolai) jonghin nangho hi kangailut jep ham tia bon kakigel ahin kahet lou kah in wanted kana lhaman in phamo kasalheh jenge. KBC ho koma keiman kasei nom chu adang ahipon, Mimasahon (Lamkai masahon) lung kitoh tah a KBC ana phudoh u ahin, Pathen henga KBC phatthei channa ding a mitlhi long a anatao nao Pathenin anasan peh e kati ahi. Atao a ana pang hon ataonan kile lah doh (withdraw) kibollu henlang anop nop boljong leo Pathen in KBC phatthei abohna aladoh tapoi ti katahsan ahi. Ajeh chu KBC abeitai tia 1970 kum a phondoh (declared) kibolsa ahin ipi atileh tulai nikhoa Houbung lenpen a kium jing thei ham?, mi chihna thepna jeh ahipon, Pathen in ahuh a atun ahi ti kichepi ahijinge. Molnoi Area (Pallen) Centre Church hi Kuki Baptist Convention hi priority kiha peh pen ahi. Chule KBC sunga Centre Church kinei ho lah a Pucca Building a kisa masa pen jong ana hi. Tulaija din alenoen le sum tamlutna pen hijou tahih jongleh aphat laija dinga Houbung lenpen le sum tamlut na pen a kinei Project masa pen jong ahi. Hiche Molnoi Area (Pallen) Centre Church Pla-Project kinei hi Pathen Lenggam natohna ding munpi a ana kisem ahin, aban a Kuki nam mite khonung ding Polictic,Social & Religion jong ana kive a top priority a ana kinei ahi ti jong geldoh thah kit ding kadeije. Achaina keijin, Hiche Molnoi Area (Pallen) Centre Church kisah nah in KBC gamsung a mi jousen lungthim le tha chule sum le pai ana lutcheh ding jong katahsan in, Adeh in KBC gambih N0.16 & 20 sunga Houbung 36

KBCThuso Phallha/November2014 Report ho Hopsom/Maicham jouse hi Head Office lam a lut talouva hiche Centre Church sahna a hi kum 10 sung a hi ana kichesah ahin, Gambih sung Houbung miho jouse chunga jong kipa thu akiseije. Tuni kiti nikho ho KBC dinga suhmil thei lou nikho loupe khat ahitai tin kaphongdoh nom e. Tuni nikho a kipana jalla ngailutna jalla tomngaitah a hung pangho jouse chunga jong kipathu kahin seijin, Pathen in phatthei8 naboh jing taohen. Tuni nikhoa Pathen min a na kitong, thil kibol le akigong jouse Pathen in phatthei eiboh peh u henlang, ikiloi khomnao Kuki Baptist Convention, India jong Pathen phatthei bophna jallin machal jing tahen. Kipanathu: KBC le Molnoi Area (Pallen) Centre Church le MCI kikah a athah a kihou cham kitna aumtheija, KBC n kingaidamtona Ankong bolding kiti nachunga Pu Onkholal Haokip, Khangbarol Haosapu in kipapi najala ankong a dinga Selchal khat kipehna a ahin todoh theija Programme ho lolhingtah a akiche lhah thei na chunga KBC thalheng in Kipathu kaphong in ahi. Pathen in a Insung, akhosung, agamsung chule avaihomna a phatthei boh jing henlang ahin kumkho Pathen in damsotna pe tahen. Hiche athilpha bol hi KBC thusim a umjing ding ahitai. Understanding hi Pathen chate/mite a ahin, Mis-understanding, MIS akikoi be tengleh misunderstand ahiteng SA- TAN a ahi. MIS akilah doh a Understanding ahikit teng Reconciliation hi Pathen Lhagao-Theng natoh ahitai. Kakipeh-e MCI HOUBUNG HO KBC A KILAHLUTNA PHONDOHNA (DECLARATION) Dt. 12/10/2014 Tuni Dt. 12-10-2014 (Pathen ni) in Pu Janglet Haokip le Pu Ngamkholun Haokip Chairman le Secretary hina a kicham kitna (Reconciliation) Committee kilolna Pu Ngamkholun Haokip, Secretary in phondohna aneiyin, Tunia kipat in MCI akisubeiyin, MCI Houbunga anaumho toh KBC a tongkhom kit tadinga kilolna asimdoh toh kilhon in - Tuni Dt. 12/10/2014, 11 AM in keima Rev. Ngamjapao Haokip, General Secretary, KBC in MCI leh KBC kah a kihet to themlou naho a kon in kihet themna le kingaidam tona akineito kilhon in MCI aumtapoi, Methodist Church a um Houbung ho toh akitong khom tai, tia Pa Pathen, Chapa Pathen le Lhagao Theng Pathen min a kaphondoh ahitai. Pathen min pan a taona pum a na kitong thil kibol suse/palkeh aum a ahile, Pathen in achung thu tanta hen, tia kaphondoh ahi. Pathen in Kuki Baptist Convention phatthei bohjom jing tahen! Keima Pathen le mipi Lhacha (REV. NGAMJAPAO HAOKIP) General Secretary, Kuki Baptist Convention 37

KBC CENTRAL CHURCH, LAMPHEL PASTOR QUARTER KITHENSO TA GOGOU WEDS BEBEM Pro Pastor Tingoulen Haokip PA to General Secy in October 24, 2014 nikho a Houdan thenga golvahna kin abolna. Rev. Santikumar in Songjang Christian Colony a Baptise bolna ding Tanky Thensona kin aneito kilhon in Khangthah mi 6 in tuilutna anei tai.

General Secretary Pu Rev. Ngamjapao Haokip, Mission Secy. Rev. Dr. Paotinthang Chongloi leh Rev. Tunlal Haokip Dimapur Mission Summit a aga pan nao. Post Regd. MNP/81 Regd No. 18134/88 November Phallha ISSUE 2014 If undelivered, please return to The Editor, KBC Thuso KUKI BAPTIST CONVENTION Opp. DM College, Imphal - 795 001 Contact : 9862633173