E D I T O R I A L B O A R D

Transcription

1 CONTENTS THUMAKAI HO 1. Jacob Isrealte Pului/Editorial 1 2. Nanu Napa in nahilna /Nl. Lhingbem Haokip 3 3. Len-se Thusim/Rev. Seilen Haolai 5 4. Sagivei geijin em? /Rev. Tongmang Haokip 8 5. Nakilhen chu nangma nahitai/pr. Thangmang Aphata aphat kading in/ Rev. Lamkeng Lhouvum Pakai hinven kagam sung u/ Pr. Onkho Haokip Men Column Women Column Mission Column Report le adangdang E D I T O R I A L B O A R D Chairman : Rev. Dr. Hawlngam Haokip, President KBC Editor : Rev. Ngamjapao Haokip, General Secretary Joint Editor : Rev. Dr. Paotinthang Chongloi, Mission Secretary Contributing Editors : Rev. Tunlal Haokip, Secretary Youth & Litt. Rev. Thangsat Kipgen, Men Secy. Mrs. Tinkholhing, Women Secy. Cir. Manager : Miss Lhingjanem Haokip Design & Layout : Hemkholen Haokip T H U S O L A H M A N Church/Organisation/ Department...Rs. 200/- Individual...Rs. 100/- (Post a Rs. 50/- pehbe ding) Indian Oversees Bank, Imphal Branch A/c No IFSC No. IOBA The General Secretary, Kuki Baptist Convention, Opp. DM College, Imphal , Manipur kbcindia@rediffmail.com Advertisement bolnom hon Mobile No Contact thei. Circulation to kisai lam Mobile No bol ding.

2 Editorial... Jacob Israelte pului, (Patriarch) Gen.28:18 Theological point of view dungjuija sei dinga chu Jacob hi Israelte a dinga chu athum chan na apuluijui ahi. (1) Abraham (2) Isaac chule (3) Jacob ahiuve. Amaho hin unique history anei cheh uvin ahi. Het ding khat chu Apupa Abraham chu ateh nunga chapa hing ahi.(gen.21:5), Isaac ahi kit leh Moriah lhanga Maicham a tha dinga aum na a kon a hing doh kit pa chu ahi. Hitobang chun Jacob jong hin apa Isaac chu ana joubol in a u pa Esau chan ding phat theina jouse chu ana kiguh doh tan ahi. Hiche ho jouse hi ivet leh lam chom cheh a detmo um cheh thusim anei cheh u akimun ahi. Jacob apa phat thei boh a chan phat in Esau vin aho tan, tha ding geijin aki gel lhatan ahi,(gen.27:41). Esau vin hitin aseitai; Kapa selnit a puldouna ding la anai tul2 tan,hiche kichai phat leh kanaopa that tange tin aki lungmon tan ahi. Hiche lung gel a nu Rebekah in ahet phat in Jacob chu apupa Laban kom a asol mang tan ahi.jacob akipat in Haran 1 Phallha/November 2015 KBCThuso

3 Editorial ajon tai, lamkim ageijin nisa alhum tan hiche laija chun ageh den tai,jan amangin pathen vantil te akal tou akumsuh u amu tan ahi.chuin pathen in Jacob jah a nalupna gam chu nangma kapeh nahitai tin phat theina lhingset chu Jacob ape kit tan ahi. Hichelai mun chu, Bethel (House of God) pathen in kitilai chu ana hitan ahi. Jacob ahung khah in kidang asan,hiche lai pihi,pathen in,van gam kelkot ahibouve tin alukhap song chu khom phun aphut in, sathao asun khum tan ahi. Hichen avetsah chu tahsan ho chunga lhagao theng ahung chen ding chu avetsah ahi.(zec.4:14; Acts.10:3).Chukitle Jesu Christa tahsan ho lungsunga het tohsah ahitheina ding le tahsan ho lungsunga lhagao theng thahat tah a ahung pan sahna ding avetsah na ahi.hiche lai mun chu LUZ mun jong akitin ahi. Luz kiti na chu Almond Tree,(Jon mot phung/ thing), hichen avetsah chu mihem hinkho a pathen deilou thet um, huh le jon,kinah kibao,lungthim phat lou atheng lou adang dang avetsah ahi. Hita jong le pathen lhagao theng chu mihemte ho lungsunga ahung chen lut teng le,hichelai chu Luz mun banga pathen chen na inn kiti ding ahitai, hichu, House of God/ Temple, pathen inn theng ahung hitan ahi,(1 cor.3:16-17).tunia nang le kei jong i-lungsunga pathen or Christa lhagao theng ahung chen teng pathen inn theng chu ihiu ahitai. Pathen in asim ho jousea dingin phat thei iboh peh tao hen, Amen. KBCThuso Phallha/November

4 Sermon/Article Nanu Napan Nahilna Sumil hih in. 3 Prov. 6:20-23; Prove.13:1; Eph.5:1. By: Nl. Lhingbem Haokip Secretary, W/Deptt. KBC. Phat masan Chapangte nikho mangthei dinga iumthei jal un Hatchungnung Pathen thangvah in umjing tahen. Chunga kitah lang Bible changhi ivet tengleh chate hi anu le apan ahil jing jeng ahi ti akimuchen e. Deut.6:4-7, lam ivet leh Pathen in Israel mite chu Pathen mi ngailutna le athupehho aphatseh a insunga achate ahiljing dingin aseije. Proverb lam ah chatet hi Nule Pan thu le la ahilna jouse angaijing didng imu uve. Chuleh chate hin insunga agel sangpen dingle akhohsah pen ding chu nu le pathu hilna ho jouse ahi. Chate juiding phabep veohite. I. Nu le Pa Thupeh nit ding: Bible a hi Pathenin thupeh aseiho, boltei tei ding tina ahi. Pathenin Israel chate Gamthip ajot laijuva chu thupeh toh anasol than ahi. Thupeh akiti tengleh peldoh thei lou, mikhat chu thupeh akipeh tengleh alouthei louva bol tei tei ding tina ahi. Hijeh a chu Chate hon inule ipan thupeh eipeh tenguleh ibol uva anatoh ipohdoh tenguleh thupeh nit ihiove. Gol luite thuchih in Nule pa thu ngailou analo a-eh e ati. Thungailou le thupeh nit lou chu lolhinglou tina ahi. Lolhin theina dinga hi Nu le Pa thupeh nitding ahi. Phallha/November 2015 KBCThuso

5 Sermon/Article II. Nu le Pan nahilna chu Nangong changa khivui on ki-on: Khivui hi ipu ipate khanglaija chu Nutehon khipi chang, ahilou leh khi jat chom chom chu a-ngonguva aki-o jingu ahi. Lhaso lou leh paimanglou hel a achin jingu ahi. Hitobanga chu Nule pan chate ahilna hi chaten mansah lou hel ding, chinjing ding, che le vale na na imut pet jong, chuleh na khahlo tengleh nule pa thu hilna chu nangma chinga pang ding ahi. Nule pa thu sei le thu hilna ching jingho chu iti jongleh midoh tei tei ding tina ahi. III. Kihilna hi Thaomei tobang ahi: Mihem te dinga hi jan tengleh thaomeivah hi lamhil a pang ahi. Muthim lah a chu thaomeivah chu loupitah le apanna lentah ahi. Hitobanga chu nu le pa thuhilna chu chate dinga lampia thaomei vah tobang ahi. Muthim tengleh thaomei vah chu mijouse khomuna le ki hinsosna a anei ahi. Chate imacha helou lai ngol thet thet ho chu anu le apa thuhilho ajui tenguleh kihinsona pang jing ahi. Mihem khat chu jantengleh chena vana ding helouva lungdonga aumphat tengleh thaomei vah amu tengleh thaomei vah noija kihinso tei ahi. Nu le pa thuhilna hi chate lungdonna thei leh hahsatna ho a kon a lamhil a pang ding ahi. IV. Nu le Pa thu a nun hi Chondih ahi. Ephesus lam ah chate ho Pakaija nanu napa thun nungun hichu dih ahi. Nule pa thu sei ngaija asei bang banga ichon tenguleh chondih ihiove. Minu/pa koi ham? Achate chondih louna a lamhil ding. Mimol pen in jong achate mipha, mikitah chuleh thungai ahiding adei ahi. Hijeh chun chondihna hinkho mang dingin chate jouse ikitemuve. Nule pan bol hih in tong hih in, sei hih in, vehih in, tham hih in, ne hih in, ati jouse chu athu ingaidingu ahi. Tulai hi mobile, TV, Computer, Laptop, jat chom chom chapangte lekhasimna hinkho puimangthei atam lheh tai. Hiche ho jong het angaije, ahin hiche ho hi iti manchah ding ham, ti hi gel angaitai. Nu le pan chate hi Tahsa le lhagaova khantouna lam jousea iti lam hilding ham? chuleh chaten nu le pan eihil na ho jouse hi nit ding, chin jing ding, chuleh ihinkho lampiuva meivah banga pang ding ahi. Nu le pan eihilna jouse suhmil lou ding ahi. Chuti leh ihinkhouva lolhinna le phattheina ichan dingu ahi. Kakipah e. KBCThuso Phallha/November

6 LEN-SE THUSIM Sermon/Article By: Rev. Seikholen. Keiman nangni Miman lensep in pansah unge ati. Matt.4:19. Pakaijin seijui akou masahpen ahin miman lensep ati hi midang jong seijuija semdinga akou ahi. Athia athokit jouvin, hitin aseije Matt. 28:19. Hiche jeh chun, Nangho cheuvin Namtina mijouse seijuijin gasemun ati. Aniveina asolna ahi. Hiche thusima kasei nom chu tulai Missionary kisol hohi Pakaijin akouho kisola ham amaho thanop man a kisola ham? ahiloule min aboljie, tia iboljiu ham? Peter hi, akikouna le akisolna bangin alolhinge Pakai thutah a len ase jeh in mi asang asangin aman tan hiche banga hi tua kisol ho hi lolhinga hinauvam? kum 2/3 sunga mi ijat ahin puilut tah um? lolhinga hinauvam? Thupeh Nina: Peter in keima Ngamanin chetange atileh aloihon jong keihotoh lhonu hite atiuvin kongkhatna atouvun, jan khovah a len asevangun khatcha jong aman pouve. Kho ahungvah phat in Jesu Dilpanga adin amuvin ahi. Jesun, chate nehding naneijum ati, amahon kanei pouve atiuve. Chuin Jesun kong sih jetlam a chun Na lensep leu chun namat dingu ahi ati. Ama thutah a asephat nun Nga atama tam aman tauvin ahile alenu chu akai jou 5 Phallha/November 2015 KBCThuso tapouve akiti. Job.21:3-6. Hiche thua ikisei peh nomu chu Nga mat thu ahipon, Miman lense ding thu ahijoi. Tulaijin Houbungho Missionary goi ithau anomin kipa aume chule tulai khangthah ho jong Missisonary natoh athanomun kipa aume. Ahivangin ikitilkhou nom nau chu, Missionary kahi kitia kum khat sunga kum 2/3 sunga mi khatcha jong puilut lou gaman lou hohi jan khovah a lensep pa tobang bou ahi. Jankhovah

7 Sermon/Article a lensep pa chu chol lheh inte ahivangin amanpoi. Ijeh inem itileh ama thuthua lensep ho ahiuve. Mi abangkhat hi Ama kisonga aboltheina akisonpi a achihna athemna chu ama deideija amanchah jeh, chule Pathen thu ama deideiya seiho vang alolhing jipouve. Jankhovah in sep jong leu man pouvinte. 1) Jesu Dilpang (sephou) va adin amuve Missionary ho, Jesu toh kimuto masah angaije amato kimuto masalouva vaikon ho tichu pengthah lou, Mission, vision neilou, Gamthim natoh Talent nei louva ama thanop a cheho alolhing ngaipoi. (thilbol jong amanjipoi). 2) Chateho Nehding naneijum? Kanei pouve. Missionarypa nehding na neijem? kaneipoi, Jesu nehthei ding neilou Missionary hisangin Juda Iskariot hi aphajoi. Ajeh chu Jesu nehthei chu thutah le lhagao Hina nei lhagao mangsa ngailuho chu ahiuve pengthah lou Missionary ho chu Jesu nehthei louho ahiuve. 3) Chuin Jesun Kongsih jetlam a chun na lensep lhan ati. Ama thupeh a asephat nun Nga atam a tam aman taove. Alen akai jou tapouve. Pakai Jesun, Tekah thu aseijin Van gam chu tuikhanglena Lenvai kisep (kikai) ngatin ngatang huikhom to bang ahi ati. Matt. 13:47. (a) Kongsih jetlam hi ama thupeh ahin, Amasei nalam ase jeh un nga tamtah aman tauvin ahi. Kongsih jetlam a bou nga uma ham? (b) Kongsih veilam hi ama thupeh lou lam ahin 10 vei sep jongle chun mandeh pon nate. Missionary hon Jesu seina lou lam a len naseu ahile man pouvin nate dilchu khat ahin nga jong umcheh cheh nante hijongle Jesu seina lam kongsih jetlam bou sedidng ahi. (c) Kongsih jet lama bou nga uma ham? aveilama chu nga um louva ham? Ajeh ipi ham? Nangma thuthun Pathen na tonghih in Pathen dei lamin bou tongin ti avetsah ahi. Ajeh chu ajet aveijin thu apoh ahipoi. Athupeh chun na atoh ahijoi. Vetsah nan: (i) Ajetlama sedan: Mi pengthah lhagao ngailu Mission Talent nei, Mission vision neiya mitlhi pum pum a muchi kondoh pi ho, Ama thupeh nithon, changphal kipoh in inlam hinjon nunte. Ps.126:5. (ii) Avei lama sedan: Ama akisongin achihna aboltheina akisonpin Pathen thuchu ama dei lam lam a seisei ho. Mi seiphat ding mi ochah ding dei mai maiya natongho Pathen thupeh banga tonglou ho alolhing ngaipoi. KBCThuso Phallha/November

8 Tekah na: Masang laijin Pasal khat pan min Len asep min Nga aman e ti ahetmanin Len akichoh in asong akikhaijin jankhovah in len asep in khatcha jong aman tapon ahi. Mikhatpa kom a asei le alen chu avetpeh le asakhau beija ase ahin Golpa Asakhau bei hija hi atipeh e. Hiche pa banga Nangin jong kum 2/3 sunga mi khat jong Pathen henga napuilut thei lou ahile nalense chu (akhon) asakhau bei hinte. Houbung Missionary goihon jong imisol hou hin ipi abol u ham? Kumlhun report hoinam? A result hoinam lolhinga hinauvam ti vet angaijin ahi. KUm 2/3 7 Phallha/November 2015 KBCThuso Sermon/Article sunga mikhat jong ahinpuilut joulou tah ule Mission Talent nei lou goi goi sangin, amaho jong haiju hen lang Solkar na kiholu henlang Hopsom phatechan peleu aphajoi. Mission Talent neilouva abol tei tei chu Talent khat sangpa toh kisimtha lo ding ahi. (Mizo Ramthar chanchinbu) kasimjin 2014 kumin mithah, 5916 alalut nun 2015 January- July channa 1599 alalut tauvin koito kitekah chu ihipouvin hijongle Houbungin sum tamtah senga Mission na kitonga aga kimulou chu ajouteng sumtoh ho atha hungse ding ham? ti gel angaije Missionary hon jong kigel kingaito ding ahi. Lhagao mangsa Cross phunga lhutsoh uhitin, Kelngoi honlah a lhalut nute. Hichu idinguva van lallukhuh hiding, Chung sana khopi nomtah a chun KIHET SAH NA Sopite ho,hiche thuphon hi koi hijong leu hen, ana gel khoh cheh ute tia avel a hung kihetsah ahi. Khat vei jong hung kiseisa ahitan, ahinlah ahelou tam tah aum nah lai jeh in avellin ihung kihetsah kit un ahi. Dei um chu ahileh, koi hijong leu hen, office kai phat sunga office visit hung bol ho jouse T.Shirt, Sport pant & Ku a (pan) ne/ lhai in hung da jeng leu hen displine hoipen hi ding ham chule lung lhaina joh hi ding ham tia avel a ihung kihetsah u ahije. Kakipah e. By : - Genenal Secretary, KBC

9 Sermon/Article SAGIVEI GEIYIN EM? Rev. Tongmang Haokip Pastor Centre Church Canaan Veng Imphal. S T R A T E G I E S Muntinle Gamtinna um, Christa a sopi ngaitah teho, nabon chaovin, ahug lhung ding Huhhingpu Jesu Christa Naosen Leng Penni niloupi, Christmas le kipana kumthah chibei kahin peove. SAGIVEI GEIYIN EM? Matthew 18: SAGI, Pathen Num ber in akihen, chule Vangphatnale Hatna Number in jong akihen ahi. Hiche thudohhi koi, in koi komma ahung doh ham? Seijui Peter ahung in Pakai Jesu komma, PAKAI Kasopin kachunga ijatvei abolkhelle kangai dam ding ham? Sagivei geiyin em? tin ahung dong in ahi. Jesun ajah a Najaha Sagivei geiyin katipoi, amavang sagi munsom sagivei geiyin katijoh ahibouve. Seijui Peter Pakai Jesu komma ahunga thudoh ahung neihi ivetle, alung khamna jouse le alung boina jouse ahung doh ahi. Old Testament 1 Samuel 30: 8 sunga Leng David in, Pathen adongin, Amalek mitehi dellang kaphah jou ding hinam? tin adongin ahile Pathen in, Leng David chu ahin donbut in Del lin, del in naphah pa jou ding ahi tin ahin donbut e. Pakaija sopi ngaitah nangin jong nalung khamnale nalung boina ho jouse Jesu nadoh jing hinam? Awle nangma chang chihnale thepna kisonga Jesu dong louva nangma cham chamma thulhuhna nasemji hitam? Nakigel lhah masangin chenlang, Pathen dong masale chun lolhing tan nate. Pakai Jesu Calvary Thingkhom chunga/cross a hesohnale Gentheina tinchang nangle keidinga athoh pettah, jengin jong, ngaidamna thuchang Sagi ana samphongin, Hepa amahohi ngaidam in, ati. Luke 23:34. Pakai Jesua konna ngaidamna umlou hile, Tonsotna damuna umding ehitaove, ahinla ipakai Jesu Christa jala ngaidamna chang ehitaove. Matthew 6:14-15 sunga Pakai Jesun aseijuite henga taoding danle, mingaidam ding jong anahil in, nanghon mi suhkhel nangaidam louule - nangho suhkhel jong, vanna um Na-Pauvin nangaidam lou dingu ahi, amavang nanghon, misuhkhel na ngaidam uvangle, nangho suhkhel jong vanna napaovin nangaidam dingu ahi ati. Agaidam nahi Pathen na kon ahi, achutile, eiho Christian tahsan chateho lah ahi, ngaidamna hi, galjona chung nungpen ahi. Ngaidam nahi hoija hung kon ham? Pathen mingailutna kon ahi. John 3:16. Mikhat in Pathen kangailui KBCThuso Phallha/November

10 tihen lang asopi hotaleh Pathen mingailutna, Cross phung bulla umlouva, amachang kingailutna um ahitai. Pathen mingailutna Cross phung noija aumle, asopin abolkhel jong angai dam ding ahi. Mikhat suhkhel bolkhelna angaidam thei loule,ama suh khel bolkhel jong Pathen in nagaidamlou ding ahi. Pathen mi ngailutna a konna ngaidamna um ahi. Pathen mingailutna naneiloule ngaidam najong neithei pon nate, na ngaidam nathei dingin, amasan Pathen mingailutna nei masale chun, ngaidam thei tan nate. Pathen mingaidamna vang ajatve jong asim lou ahi, nangle kei in vang khatvei, nivei, thumvei, tin esimjivin, tuchunga vang kangaidam louding ahi tin,eseijiuvin ahi, Bible in vang mun sonsagivei geijin, nasopin suhkhel ngaidam in ati. Tulai Houbung phat nunung Lhagao theng khang phatsunga hin, Chamna ngaichat ahi. Chamna hoija hung kon ham? Chamnahi Ngaidamna a kon ahi. Ngaidam le chun chamna umjeng ding ahi. 2 Corinth 5:20. Mitheng Paul in, Pathen toh kichamun, tin Corinth Houbunga lekha ana thot e. Tulai Houbung phat nunung khang sung ahi, Houbung sung, chule loile gole pai khosung Vengsung jenga jong Chamdella mijouse aum theilouhi khatle khat kigaidamna alhamsamji jeh a Chamna 9 Phallha/November 2015 KBCThuso Sermon/Article umthei jilou ahi. Khosung Vengsung chule Houbung sunga niseh a nakimuto pijing na u nanao nasopi tobon Chamdella naum theiloule, Pathen toh chamdella naum thei ding hinam? Rome 12:18 Mijouse toh chamdel in umun, ajehchu Pathen chu chamna ahi. Lungmona lungmona kitihin, epi avetsahem? Chamna avetsah ahi. Chamna epi avetsahem? etile Ngaidamna avetsah ahi. Ngaidamna aumlou teng chamna aumpon, chamna aumlou teng Lungmonna umlou ahitai. Isaiah 40:1.Pathen in lungmong uvin,lungmonguvin, kamite, tin aseije,tulaijin, Lhagaolam hinkho kicheh tah a lung monga umhi Houbung sunga alhome, ajeh chu Pathen mingaidamna kicheh taha ahetchenna anei lou jeh ahi. 1 Peter 2: 24. Christan kachonsetna atahsa chunga apon thingleh geijin apodoh tai kachonsetna eingaidam tai tia kicheh tah a ahetlou jehuva lungmona dihtah anei thei jilou ahi. Houbung kiloi khomna a jaova phatkhat komle achanga aumphatle, kicheh taha lung monna neilou, kitahsan lalna amale ama natoha kisong, chonphatna kisong, thil tamto jeha kisong, hitabong hohin, lungmonna dih tah chu aneitheiji pouve, Pakaija ngaitah sopi nangin lungmonna dihtah chu nanei hinam? Pathen na konna ngaidamna kicheh tah

11 Sermon/Article anachan hinam, ven Pakai jin echon setnao jouse atahsa chunga apoh a thing khom chunga/cross a eina ngai damu ahitai. Pakai Pathen in echonset jouse a ngaidam tahle ebolla lungmong louva eumdingu ham, ajehchu echonset jouse le esuhkhel jouse Pathen in eingaidam ahitai. Lasempan evang phaove pathen cha ehihi Christan eiminvona,kipanakim chu anatoh ahi atibanga, Ngaidamna chang tahsan chaten, Pathen na etoh dingu ahi. Pakaija sopi ngaitah, Pakai Lenggamma nanatohna ejatvei nasimdoh tahem, mi abong in Pathen natoh naho asim in, kiseiphatnan ahiloule miho demnan, ahiloule miho ejase lounan amangin ahi. Pakaija sopi nangin,sagivei ahiloule somsagivei alhing tai tia simma chim louvin, tongin, chimlouvin Jesu hung kitkahsen tong jing dingin kahin teme. Achainan, Pakaija sopi ngaitah,nahin kho sunga na ngaidam lel tuni geija umna laijem? Ijem tia aumkhah nah laijongle, Pakaijin nang jong nabol khel, nasuhkhel jouse nangaidam bangin, nangmang jong amachu ngaidam tan, chule ahung lhung ding Huhhingpu Jesu Christa Naosen Lengpen ni niloupile, kinepna kumthah naman nading ahin, ngaidam nale, Chamna, chule Lungmonna chutoh namantha dingin kahin teme. VISUAL ALBUM thah kithenso Achesa Nisim 25th October, 2015 nikhon KBC Gambih No.4 Choir in asem vetnom le ngainom umtah Visual Album Vannoi Vah Nahiuve Vol.I Release akibol doh tai. Ana kichoh cheh hiute, Aman Rs. 150/- bou ahi. Amuna ding mun : KBC Book Room KBC Gambih No.4 Office. KBCThuso Phallha/November

12 NAKILHEN CHU NANGMA NAHITAI You are what you choose By: Pastor Thangmang Haokip, KBC No. 20 Leiset a nahung penna, tahsa hinna naneitaha ahile nang a dinga thil khoh tah khat chu Kilhen kiti hi ahi. Mihem khata ahung kipen tah a ahile thil khat/epi ham khat lhen lou vin koima umle aki lom poi, kilhen (thil khat) beh lhen chu asa a lha ahi (Compulsory). Koi tobang ham khat chun thil khat beh cha lhen thei lou va aum leh ama chu alhing joulounalai lah a um sah thei ahi. Hijeh chun mihem in leiset chunga iumsung in kilhen na khat beh nei lou vin emacha akibol thei deh poi. Hinkhoa tibah inei ho keng, khut, mitle, kam chule adang dang hohi chetloh pan ding ahitan, iti cha sah ding ham? Itihphat leh cha lo sah ding ham? Tihi het masah angaije. Vetsah nan paodan, thuseidan, lunggel dan, chule adang dang ho hi kilhen masang a jilthem hi thil khoh tah ahi, chuleh het masah ngaija ahi. Ajeh chu na kilhen pen chu na hinkho a na pom or najui ding ahi jeh in nalhen khel leh vangset or thina channa na pui lut thei ahi jeh in gapha sodoh dingle hinna le tonsot hinna na lhut thei Kilhen chu phate cha a lhen hi mihem hinkho a dinga pha pen ahi. KILHEN LE THULHUH (Choice and Decision) Mihem in thil khat lhen ding akiti teng leh lunggel hi ahung masa ji in ahi. Ilung gel chu ilung sunga ilut sah teng, idei dei thil tampi ahung kilang doh in tin, (Multiple options) chuteng le mihem in gel dih det louva phut lotchanga lunga ahung kilang doh masa chu moh lhen ding jong ahi deh poi. Lunga ahung kilang ho jouse chu phate cha a asuh atunga gel a vetphat ngai kit ahi. Ajeh chu mihem khat in thil tampi akiche kop ding chu hahsa ahijeh in juiding le chepi ding pen chu avel vel a khol gila hetchit ngai masa ahi. Chutia lunga nagel thil tampi hung kilang doh ho lah a avel a nakhola apha pen dinga nalung pumpi leh nahinna pumpia aphapen tah a naki lhen chu (action) toh tho in panin. Hiche chu tahsa hinkho le nalhagao hinkho lampia nagui lhun sah le nalo lhin sah thei ahi. Lhen khel jeh a hinkho setna (Wrong Choice Wreck Life): Leiset chunga mihem alosam thusim ho ivet leh atamjo hi adih lou 11 Phallha/November 2015 KBCThuso Sermon/Article

13 Sermon/Article (Wrong choice) akilhen khah jeh u ahi pene. Mihem khat hinkho sung hi ingaito le aboncha hi (Lhen/Kilhen) ahijou keije (Life is full of choice). Chuti ahijeh a adih lou kilhen khah ding chu tijat umtah ahi. Adih lou lhen khah jeh a ahinkho sunga genthei lhungkei thusim vehiute. Greek Mythological Hero - Mi khat Orpheus kitipa hi Music, le la lama minthang khat chu ana hie. Ama hi a music thep dan chu Music asai ging teng miho hin angei nom ma, tha-ol ji u ahiuve. Hiche atum ging le ala ngei chun amaho chu Sirens mite akon a konga kitol doh nathei chan gei ana peve. Hinlah phat chomkhat jouin ji ahin neijin ajinu minchu Eurydic akiti. Amani hi nasataha akingailut lhon lai tah in, ajinu ah-khumit gulin ahin chuhpeh tan ahileh athi tan ahi. Chuti chun ajinu angai beh jeh chun la asemin ajingai nala in asun ajan in atumging to thon amao jin ahi. Ama kigel dan a chu ajinu hi hiti hin kivah choi jing leh leiset chunga ahingin hung kinung le kit ding ahi tia atah san ahi. Chutia sunle jan a amaova music le tumging atho jing vang in aji athisa chu ahung kile tapoi, hiti hin hinkho genthei tahin aumlo vangin alolhing deh poi. Aman Pathen vahchoi tah sang in thilha le aji bou ngaisang a avah choi jeh in, ahinkho in agenthei nale hahsat nan alo dim in lo jong alolhing deh tapoi. Tunin Christian eiho kigel pha kit ute, naki lhen chu adih lou ana hi khah a ahileh na hinkho umsung in nasem pha thei nalaije ageisang deh nahi naipoi. Adih lhen hi hinkho kihuhhing na ahi (RIGHT CHOICE REDEEMS LIFE) Anoija hin adih lhen jeha hah satna muna kona kihuh doh thusim chom cha khat veu hite. Jillian kiti Australia numei khat in chapang pasal ni anei jin ahi. Nikhat Thailand gamma akhol che naova Swimming pool a achapa teni toh akisil laitah uvin Tsunami bang sangtah kisong banga ahung kitol amutan chupet tah chun kalung gel chu umden dingham, jamdoh ding ham ahilou leh kachateni dalhah a jamding ham tin kagel laitah in kathu lhuh (Decision) chu kathum uva kihuh hing ding chu ahin, kacha teni chu kadah lang khat khata kaki khai sah in kalhei pile Pathen lung set najal in kaki huhhing uvin ahi. Jillian chun ama bou kikhohsah taleh acha teni achaan ding ahin, chuleh amun a umden taleh abon chava thiding u ahi. Hinlah aphapen a KBCThuso Phallha/November

14 agel chu a man a abol phat in aki huh hing uvin ahi. Pakai in Martha chu nangma thil tampi ngaitoa lung gim nahi hinlah Mariam in aphapen akilhen ahitai, ama a kona kilah peh lou nding ahi ati Luke 10 : Christian hinkho le kilhen (choice) kiti hi kikhen thei lou, eitih a kilhon khom jing jeng ahi lhon jeh in, thulhuh dih (Right Decision) sem leh hinkho theng hia, chuleh Christa a pilhin hi angaije, chuteng leh adih kilhen chu kinei thei bep ding ahi. Amina Christian hia kham nathei amule bol, tol atha nomle that, jon abol nomle bol, Law sedeh duh a Houbung sunga pang jinga mithemmo nading lei lei hola lamkai chule member jong umda ahitapoi. Chuleh boina ding lei lei gel jinga houbung le khosunga umgun seta tulaija hi umda ahitapoi hitobang chonchan hohi (Carnal Christian) amina Christian hia adih or thudih seithei lou, semphat ding jong golou ahiu vin, amaho hi ahinkho vin thudih alheng thei povin ahi.bible in chamlhat taha kilhenthei nale adihle adihlou lhen khen theina jong eipeuve. Noija hin phabep khat kahin tah lange. Adihle adihlou (Exo. 15:26) Aphale ase/aphalou (Is. 7:5) Hinna le thina/phatthei nale 13 Phallha/November 2015 KBCThuso Sermon/Article gaosapna (Deut. 30:21) m Pathen houding ha Baal Pathen houding ham (I King 18:21) Pathenin chamlhat taha kilhenna eipehu hi naman tup jing hinam? Thulhuh dih (Right Decision) tah semma, neija lhen ngai ahi, mimasa Adam chun thulhuh dih lou (Wrong Decision) anaman khah tah jehin achi lhah te chan geijin setnan alo dim jinge. Nakilhen chun nathunun/ natuh chah ahitai (CHOICE CONTROL US) Chunga kisei banga kilhen kiti hin mihem khat chu khonung changeija achan or ahinading aphot toh ahitah jehin phate cha a lhen kiti hi thil phapen ahi. Hinkho sem na dingle losam nathei ja napui lut thei ahijeh in (Right Choice) nei angai je, hibang a chu naki lhen chu nangma nahi ding tah jeh in,kilhen hi lhen masanga Pathen henga Taona puma vetchila, hetchila, lhen angaije. Hiche nalhen chu nangma nahi tah jeh in (You are what you choose) naki lhen chun nahin khosung a chu nathunun/natuh chah ahitai, chuphat teng kinung semphat ahahsai, chuleh kinung le jong ahahsa jitai, ajeh chu nalam jotna a nalhun kon ahitah jeh in, amun nalhun phat kon a nache

15 Sermon/Article na adih lou naheta abula hung kinung pat kit chu koi ma jousea ahitapoi, nakhang hoi jouse kichai thei ahitai, nateh set lang in namano hiding ahitah jehin lhahsam nale khoisatnan alodim ding ahitai. Chuti ahijeh in vetchil le kholchila thulhuh dih (Right Decision) lah a kilhen chu mihem dinga thil khoh pen khat ahijehin ching thei tahin lheng in. Eiman ekilhen chunga result& effect umcheh ahi (CHOICES HAS CONSEQUENCE) Mihem khatin hetdinga dei umtah chu thil ikilhen najousea hin eima eiman ki-at cheh ahi ktibang in eiman ikilhen chunga (result & effect)um soh cheh ahi. Vetsash na in Chang tu in chang a-at ding ahi, mot tu in mot alo ding ahi, gehu tu in gehu a-at ding ahi, iha neh le e-io-ana in ahi, Mi kithopi hat nahi le najong min nakithopi ding ahi, mi esei set leh eijong eiki seise ding ahi, Mi epah chah le min ei epah chah ding ahi, Chu ti ahi jeh in ekilhen chunga eiman aphat aset kile chan cheh ahi,hiche jeh chun mitheng Paul in Galatia mite henga mihem in atutu a-at ding ahi tin lekha ana thot e. (Galatia 6:7). Chuti ahijeh in tunin kigel pha kit in nang in ipi tu ding nagot em. Vetsah nan (i) Jukham puma gari tol pa chun (accident) toset toding adei jeha hichu akilhen a atol ahin, amachun toset ato teng thi thei ahi, athi lou jong le kitong kha tei ding ahi, chuleh agari jong chu man tamtaha achoh ahin sei thei loua se thei ahi (ii) jachep hin (lung Cancer) chop cancer aso doh or alhunsah in ahi, koiham khat chun hiche jachep chu abol jing teng atahsa chunga nikhat tengleh cancer chu thei ahi, hiche ajachep chun ama mama ale voh ahi (iii) eiman itu chu alet aneo dungjui cheha ki-at ahi. Example, atomic bomb Japan khopi munni Herosima chule Nagasaki a kikheh dan chu atomic bomb akiti. Neocha hattah chemical a kisem ahin, neocha ahivanga khopi lentah nia mihem asang asangin thina ato lo tan ahi, chuleh simjoulou thille lo anasuse in ahi, ajehchu Japan in Allies forces khuta surrender bolna ding thupeh anahsah loujeh pen ahi. Kilhen chung changa aga ki-at hi asotloi apalloi jong aumin ahi. Adam le Eve thunun lou jehin Eden hon akonin deldohin aum lhonin tuni chanin achilhah ten ihe soh piuvin ahi. Paulin Rome mite henga mikhat thunun loujeha mijouse chonsea kisim ahin, mikhat thunun jeha mijousen sochatna akimu ahi ati KBCThuso Phallha/November

16 (Rome 5:9). David in Bathsheba ajotpi tah jehin amachu thusom sukehpa tin akihet lotai, David in chonset aboljeha khonunga achunga thil lhung ho- (i) naosen Bathsheba toh ahin lhon jong athin ahi (ii) Achanu Tamar chu achapa Amon in aluppi tai (iii) Amon chu Absolom in asoh te atha sah tai (iv) Alenggam akeh in achapa Absolom jong aki that tai. THUCHAINA (CONCLUSION) Sermon/Article Kilhen hin mihem khat khonunga ageina ding ahi na ding phot chet ahitai, thina le hinna chan a napui lutthei jong ahi. Phatveta naki vet teng iti naki vet em? Ahoimo jouse le aphamo jouse namu doh teng apha dingin naki thah sem ji in ahi. Hiche jehchun nalhen masangin Pathen dong in, chuteng lheng lechun nache khel lou ding ahi. Pathenin asim jouse chunga phatthei boh tao hen. GAMBIH No channa CHATE CAMP kichaita Achesa nisim 22nd -25 October 2015 sung in Gambh 11 nute mopohna noija Chate Camp, MB Saichang Baptist Church munna Evan Helun Chongloi Speaker leh Evan Letjangam Haokip Camp Director hina in akimang in Chate (Camper) mi 215 in Pathen thua penthahna anei uvin kipa aum lheh e, chule amun Houbung hon Lamkai ho leh Camper ho nehle don, Gena, touna, evettup peh jal uvin achung uva Gambih nuten sang tah in Jesu min in kipa thu akiphong e. Pathen in KBC Nute phatthei boh jing tah hen. Pakaija nalhacha u, Nl. Nengsi Khongsai, Secy. Nl. Hoilam Touthang, Chairperson, Pastor Letlal Haokip, Pastor, Gambih No Phallha/November 2015 KBCThuso

17 Sermon/Article APHATA APHA KADINGIN (Hb. La 82) (La Kibolna Backgound) Rev. Lamkeng Lhouvum, Pastor KBC No.7 Review G.Spafford hi 1828 kumin New York khopia apenge. Khang dong cha ahi a patnin sumkolveina (Sum lepai) holna lama ahung lolhing lheh tan ahi. Sum lepai alolhin toh kilhonin Pathen natoh na Evangelism lama hin lungthim pumpi apen ajo chan in Pakai lhacha ho ahin kithopin ahi. Ahideh a Evangelist minthang D.L Moody leh E.Sankey ho natoh na akithopi jingin ahi. George Stebbin in Spafford hi Bible thu leh Lhagao lama thuh tah (Deeply Devoted) kipelut mi khat ahi ati. DL Moody leh Sankey in Great Britain gama Evangelistic ministry campaign dingin kigotna anei u toh kilhonin ama ho Insung jong che dingin akigong taovin ahi. Hitia akigot laitah un ache nading nikho ahung lhunn ding konin Spafford hi Chicago a phat chom khat aum denlou akhohna khat aumtan ahi. Hijeh chun aman aji leh achate asol masa tan ahi. Hinlah vangset um tah in November 22 nin Tuikhanglen sunga tose atoh taovin, hiche toset ato naova chun mi phabep huhdoh in aum mun, Cardiff Wales a Huhhinga umho lah a ainneipi in Spafford thu ahin thot in kei bou huhdohin (Save alone) ka umtai ahin titan ahi. Nikho phabep jouvin Spafford jong hiche Tuikhanglena chun kong chunga ama jong ache kittan ahi. Achate mi li (4) lhah lhum na mun vel aphah chun Captain pan nachate thina mun chu hiche vel hi ahitai atipeh tan ahi. Hichun aman jong lekha khat aladoh in Lungdon tuisanglen bangjong le ( When sorrow like Sea billows roll) tn ahin sun pan ahi.hiche asut/ ajih jing laijin 2king 4:26 sunga Shunem numei nu thusei Apha pha nai ( It is well with My Soul) ti ahin sun doh in ala chang ni na a chun Christa mi huhhingna thu asununin, Thupha chun kachonset pumpi aseltai, Cross chunga akhenbeh sohtai atin thum na a chun Christa chu akinepna bulpi ahidan asei kit nin Christa chu hijing hen kahina bulpi, Jordan in eiso khum jong le achang chaina in Christa hung kit na ding leh Van gama Insung kikim a aum diu aki nepna asei doh in, Pakai nahung kit ding ni ka nga jinge, Van gam nom kahung lhun kahsen, Van sumkon gin le Nang O gin ngah kahi, kalha dia itih kinep um KBCThuso Phallha/November

18 hitam tin ana sune. Houbung la 82 Chamna le Lungmon ti la ana sun doh in ahi. Thuchaina :Spafford hi 1881 kumin Holy Land gama achen Jerusalem a chengin Amarican Colony ahin phut doh in ahi. Ama a kum 60 alhin in ahinkho abeitai. Hb 82 hi Save Alone kiti thuchenga kona kijih doh ahi. Sopite Tuikhanglena kona achanga huhhinga aum hi lainat Sermon/Article umtah ahi. Van gam nikho teng eihon Pakai Kabon chaovin Huhhing ( Save all) kachang naove iti thei na diuvem? Insung pumpi leisetna kikhen jong leo Save Alone hi jong leh Spaford insung mite vang Van sumkon gin le Nang O gin ngah kahi kalha dia iti kinep umtam anatin ahi. Asim jouse Pathen in phat thei boh tahen. KBC NO. 15 NUPA CAMP KICHAITA Achesa Sept, 23rd - 27th, 2015 sunga Canaan Veng B/Church KBC No. 15, a Nupa Camp chu Pathen lungset na jallin lolhing tah in akichaitai. Thupi: Na insung mite kisem toh tan (II Kings 20: 1 b) Speaker : Evan, Tongkhojang le Evan, Chingboi Pathenin nasa tah in amangcha lhonin, Minu, mipa 53 apang theijun, Speaker tenia konin penthah thu le tahsa le lhagao a minu mipa te mopohna, nupa kikah a kingailutto tah a Christian insung sem tohna dinga pan lah khom ding tia eihil naova konin minu mipa 40 in kihet chetna le phatchom na aneijun Pathen thangvah aume, Pathenin Speaker teni maban a jong mangcha jom jing lhon tahen. Camp sunga neh le chah a eikisah lel pihou, Camp a dinga lamchom chom a kipehna nei ho le Tarpoline eiphal peh hou, chuleh kikhop na dinga Community Hall eiphal peh uva Canaan Veng HTC Unit ho le Camp lolhin na dinga Taona a pan hinla ho jouse chunga Pakai minin kipa thu sangtah in ahung kiphonge. Pathenin a Houbung mithengte umpi jing tahen, Jona eipeu Hatchung nung Pathen chu vahchoijin umjing tahen. Kakipah e. Pu Lalkhokai Kipgen H/Deacon Canaan Veng, B/Church, KBC No.15,Moreh 17 Phallha/November 2015 KBCThuso

19 Sermon/Article PAKAI HINVE N KA GAM SUNG U Pastor Onkho Haokip Hui anun jongleh Kukite asuhkha n, go ajuh jongleh Kukite asukha n, twi alet jongleh Kukite asukha n, mun achim jongleh Kukite asukha n, Peace Accord aum jongleh Kukite asukha n, ILP thu akisei jongleh Kukite asukha n, Foreigner thu akisei jongleh Kukite asukha n, kitha kimat aum jongleh Kukite asukha n, Manipur Assembly in kilolna abol jongleh Kukite asukha tai, Pakai hinve n ka gam sung u. THAL LE HEM IN KUKITE ASUHKHAH Phat achesao nai hih lai e, Sadar Hills a Thingsat kho kimvel a um eimi thingnoi loikhat chun phaicham a cheng sopi Meilhei mi ni ana tha jeh un sorkal sepai tamtah in eimi thingnoimi phabepho chu ana mandoh tauvin ahi. Hichea meilhei mi ni kithana lethuhna in New Keithelmanbi lampi a eimi Saktiman a touho ana kimavo in chule khat ana that un ahi. Hiche thilsoh chu ana sousang lheh jeng in chule sihneina le langneina dimset ahijeh un KSO GHQ chun ISTV le Sangai Express ban ana bol in nahchangsal in suhthip in ana ume. Chuban in Moreh khopia ILP Rally jeh a kiboina jeh in Meilhei le Kuki kinotona ana um in Kuki chapa mi 4 ana machang kit un ahi. Hiche jengseh chu hilouvin August lha kichai lam a Pallel kom a Aimol kho khat a NSCN (IM) in Pu Manglun Aimol chu Kuki ahijeh in ana that kit tauvin ahi. Hiche kitha jeh chun chi le nam kikah a kihetkhelna apung in Molnom le akimvel a cheng eimite lungmong theilouvin aumgam tauvin ahi. Melma khut a thina le machanna jengseh hilouvin Sajik Tampak, Bongbal Kholen le Pallel kimvel a Kuki le Kuki kah a kithatona ana um kit in ahi. GOJUH TWILET IN KUKITE ASUHKHAH Kum dang le lha dang sang a hatjo le tamjo hilou June July, 2015 sunga Manipur gam sung le Burma gamsung mun phabep a go anaju chun Churachandpur khopi muntin ana suse tan ahi. Ahung kondohna kihe lou ahivang in thil le lo chule in le lou tamtah melsetah in ana suse tan ahi. Hiche jengseh hilouvin kum dang lha dang a ana kihe khabeh lou Sugunu kimvel a Laloiphai le akimvel, Thingkangphai le akimvel cheng twi in achup gamtan, in le lou, chang KBCThuso Phallha/November

20 le mim tamtah ana mangthai tan ahi. Gojuh twilet jeh in Sugunu gamkai a cheng mite le Chandel ahideh a Dingpi lhang le Sajik Tampak (Kana gamkai) lampi kijopmatna Chakpi vadung lei (Bridge) chu twi in akeh khat alhoh lha tai. Sadar Hills a Motbung gamkai le agal lam a um Thingsat gamkai kijopmatna Thingsat lei (Bridge) jong mit muchang tah in Gun vadung in ana lhohlha kit tai. Chandel gam a Moreh kom Haolenphai kho jotna lei (Bridge) jong chutima chun twi in ana alhoh mang kit tai. Burma gamsung ahideh a Sagaing Sub Division a Kukite chenna gam le kho tamtah gojuh twilet in ansukha kit in hitihin gojuh twilet in Kukite ana sukha n ahi. GO JUH MUNCHIM IN KUKITE ASUHKHAH Gamsung a go juh jengseh hilouvin gambeh le kho mun phabep mun in achim den tai. Chandel gamsung a um Sita le akimvel kho tamtah jotmatna lampi chu Km 1 val achimlha tan, Khengjoy gamkai a um Khangbarol le akimvel a um kho tamtah chule New Samtal lampi chu mun 30 val achimlha tan ahi. Hiche jengseh hilouvin Burma gamgi chin a cheng Kovang kho le akimvel kho phabep chule lampi tamtah semphat mo hel ding in 19 Phallha/November 2015 KBCThuso Sermon/Article achim gam tan ahi. Gamsung pumpi tobang akhangkhi in kho tamtah chen kit theilouna ding in munchim ding in (ahei in), lampi tamtah akheneim in, lhang beh tamtah mun in akailha in chule kailhah lou lai tamtah che lutna ngam hitalou in adim den tan, gamlenna le loukonna ngam jong hilouhel khop in aum tai. Chassad jotna lampi jong mun saotah achimlha kit in kijopmatmo hel in nikho phabep ana um in ahi. Hiche jengseh hilouvin Chin State sung a um Twikhengjang le Hakhalay kho in 180 vel um chu molchung lang a kon bonnang hung kitollha chun ana vuhchim kit tan athi amang ijat mong ham hetdoh ahi hihlai in hitihin gojuh munchim in Kukite nasatah in asukha n ahi. JOUMOL VANGKHO MUNCHIM August 1, 2015 jinkah 8:30 am vel in Manipur Chandel District, Kengjoy Sub Division a um Pu Thongminlal Baite haosatna, Joumol vangkho chu dalhah beihel in mun in ana kaimang tai. Munchim jingkah chun khosung mite chun khindoh ding ngaitona in kigotna ananei un ahinlah akigotnau phat ngahjou talouvin mun in akhothing un ana kaimang tauvin ahi. Mun achim chun kho mite chu kihinsona ding in adon cheh a ajam un ahileh kho thah

21 Sermon/Article (veng thah) lang a jamho chu khatcha ahoidoh jou tapouvin amavang kho lui (veng lui) lang a jamho mi nga anasohdoh un ahi. Chuchepet a khosung a um chu mi 19 anahiuvin mi 5 ajamdoh in numei chapang 3 jaona in mi 4 long akimudoh in mi 5 tuni chan in akimudoh jou tapon ahi. Munchim chun loulhona thei gambeh ching 500 (500 acres), muchi le thei lei bolna thei ching 1000 (1000 acres), Houin 1, Community Hall 1, Guest House1, in 23, phalna nei meithal 4, Water Tank le Pipe phabep, chule khosung a gancha kivah jouse akaimang tan ahi. Gam leiset tailou mun in akaimang thil le lo jouse chu Rs. 10,350,000/- (Rupees one crore three lakh and fifty thousand only) alhing in ahi. THILSEM IN KUKITE KIKOMTONA ASUHKHAH Amasapen in Thingsat lei twi in ana lhohlha tan Motbung le Thinsat gamkai che mat jou louvin ana umtai. Chakpi lei twi in ana lhohlha tan Sugunu kimvel le Dingpi le Kana gamsung che mat theilouvin ana um e. Moreh lampi mun tamtah ana chim tan Imphal apat Moreh che mat theilouvin ana ume. New Samtal lampi mun tamtah ana chim tah jeh in Pallel apat Khangbarol, Khengjoy le akimvel khoho che mat theilouvin ana um e. Chassad lampi ana chim in Imphal apat Chassad che mat theilouvin ana um e. Sita lampi ana chim jeh in Tengnoupal apat Sita le akimvel kho che matna ana um thei tapoi. Moreh kom a Haolenphai jotna lei twi in ana lhohlhah jeh in mundang toh chemat theilouvin ana um e. Muntin gamtin munchim jeh leh twilet jeh a chele valena lampi jouse atan tah jeh in kikomtona aboi gamtan, mi tamtah ding in genthei hahsatna ana lhung tan ahi. Themzilna mun le natohmun jot theilou jengseh hilouvin jingson janson kilahna ding tahbeh jong aboi gamtan, panpina (Relief) thil le lo sumlepai, neh le chah tamtah aum jeng vang in lampi set jeh in amoh lhun jou tapon ipi kibol jongleh ahitheilou abang jeng in ahi. MANIPUR POLITICS IN KUKITE ASUHKHAH Pathen thilsemho in Kukite asuhkhah jeng hilouvin Manipur Politics in Kukite ahasuhkhah deh kit in ahi. Amasapen ding in International Meitei Forum (IMF) chun Kukite hi gamdang (foreign) mi nahiuve ti n phat chesa sot lou akon in anasei jing tauvin ahi. Hichu aphat phatcha in KNO chule Kuki Research KBCThuso Phallha/November

22 Forum (KuRF) in donbutna anape jing in ahi. Aban in Inner Line Permit System (ILPS) kiti Manipur a agammi tilou adangho phalna bei a achen theina lou ding u ahung hatdoh kit in Kukite Foreigner ahiuleh ILPS chu amaho kinodohna ding jong ana hikit tan ahi. Hiche ILP mutheina ding in Meitheite chun Churachandpur khopi sung a kijotna ana neigo uvin ahin phal anahitapoi. Chujouvin Moreh tolpia bol ding ana gong uvin hichu phal anahi lou vang chun ana kijot un Kuki chapa mi 4 ana machang in ahi. ILP thua kichai louvin August 3 nikho in Government of India chun NSCN (IM) toh Naga Peace Accord kikhuthenna ana kai kit tan ahi. Hiche Naga Peace Accord chun Nagate ding chanvou apeh ding ahijeh chun achenkhompiu Kukite kho le veng chule gam le go ahinsuhkhah tei ding in akilangdoh kit in ahi. MANIPUR ASSEMBLY IN KUKITE ASUHKHAH Manipur Legislative Assembly in August 31, 2015 nikhoa Bill thum (1). Protection of Manipur Peoples Bill 2015, (2). Manipur Land Revenue & Land Reforms (Seventh Amendment) Bill 2015 chule (3). Manipur Shops & Establishments (Second Amendment) Bill Phallha/November 2015 KBCThuso Sermon/Article seilhahna ananei a thinglhang mite gam huhbitna aum theilou ding dinmun alhun tah jeh in thinglhang MLA Phungjathang Tonsing, Vungzagin Valte, T. Manga Vaiphei, Ginsuanhau, Chaltolien Amo, TN Haokip, Ngamthang Haokip, Nemcha Kipgen le Yamthong Haokip, Thangso Baite (MP), Pu Thanglenpao Guite (ZRA President) in le Sarkar Office phabep mipi in anahallha cheh tauvin ahi. Hiche gam le nam huhna in Churachandpur khopi sung a mi tampi amachang in chule pasal hangsan mi 9 in ahinkho u anaphaldoh tauvin ahi. Amaho chu: Henlalson (18), Pausuanlian (19), Paulianmang (23), Thangzalian (30), Khaijamang (10), Roberth V. Jamminthang (30), Khamsianmuan (22), L. Lamkhenthang (43), Enkhenkhup (19) ahiuve. Mipi kiphinna asousang cheh cheh in ahinlah hichelekha kisut chan hin lunglhaina thei thutanna aum thei poi. THIL IJAKAI IN KUKITE ASUHKHAHNA JEH Phailei anei vang un midang alhosah un abaisa aneuve. Lekha asim vang un exam tengleh copy a lolhing ding agouve. Gam leiset Pathen in apeh vang un Pahcha (Kani, Kanja) atudim den un

23 Sermon/Article chule haosaho jong khosung a cheng nom louvin munchom a akhosa jouve. Vote anei vang un midang in alha in athisaho min gei in alhah uve. Sorkal noi a zilkung tamtah aum vang in (Manipur dinmun kisuhlou jeh jong hikhat intin) na tonglouva lhalo sang atam un ahi. Nam sepai anei vang un scheme leh sorkar natongho lhalo kah le haosat lungvul atam uve. Hou na tongho jong houbung mi guh a ama tumpi ding kivet atam in ahi. MLA/Minister/MP gam le namsung sem louva gamsung chan ding jouse ama chang atam in ahi. Chate moh hin a hing a anu apa holsa bou a kingaite ahiuve. Lampi aneihou thal le hem, kani kanja, lou le ai pohna in anei tauve. Ngoi (Dam) aneihou jong nungah gollhangho avum aval a kimutona mun asohdoh tai. Vadung le vacha aneihou jong naosen kisulha paimangna mun in anei tauve. Khopi le in hoitah aneihou jong kikhailihna mun in anei tauve. Hiche nam mite chu Pathen in phatthei abouh mong na dem? KUKITE KILEDOHNA DING LAMPI Kukite hi malai in galhangte le chamlhatte anahiu jongleh tun vang atohkhah jouseu le akimaitopi jouse amaho ding in thina le manna jeng in akilangdoh tai. Tumasang a ama ama doncheh a ajochan a analhai vang un lolhinna tahbeh ananei theipouve. KIM, KSO, hou natong, nam sepai (KNO/ UPF), nambah jouse le mipi in akikah uva kibahlouna neoho sumil a thakhat le pumkhat a pan alahkhomna ding u chu tuphat tah hi ahitan hiche lolhin theina ding chun taona angaikhoh pen in ahi. An nehkon le ihmut kon a taona a jaosah maimai thei dinmun ahitapoi. Hou natongho in jong houbung tin le gam tin a chule nam pumpi Pakai heng a taona lamkaina ding in mopohna lentah anei un ahi. Nam ngailut hi chonset ahipon nam ngailu theilou joh chu adihloujo ahi. 2 Chronicles 7:14 chun, keima min a kikousa ka mite chu ahung kineosah thei uva, taona anei uva, hitia hi keima angsung ahinhol thei uva, athilse bolnauva kon a akiheimang uva ahileh, keiman jong van a kon a ka hin ngai a achonsetnau ka ngaidam ding chule agamsung u ka damsah a ka phatsah ding ahi, ati. Pathen in Kuki nam phatthei boh tahen! KBCThuso Phallha/November

24 Men Column KBC MEN DEPARTMENT 35 TH ASSEMBLY CUM GOSPEL OLYMPIC A DIA KOUNA Amasan tohkhompi KBC Men Work Committee, Existingle Former Men Work Committee, Gambih Men work Committee, Gambih Chairman, Secretary, Treasurer chule Gambih Pastor, Centre Church Pastor ho jouse, chunga kisei Programme a hungpang cheh dingin Pakai minnin tiemna le hetsahna kahin neije. Adeh a aumtalou Pu T. Helmang Men Department President hilaija Men Department Assembly a Pastor ho jouse pangcheh dinga kilolna, KBC Assembly a approval ana umsa chu tu ahunglhung ding 35 th Annual Assembly a pastor jouse pancheh theina dingin Gospel Olympic to kop a hiche phat sunga KBC C/C Pastor le Gambih Pastor Football pehsah dingin akigongin chule Gambih jouse Group item: Volley Ball le Tug of War umin tin chule Individual item: High Jump, Long Jump, Shotput, 100 Metre race & Mini Marathon race, a item jouse a pangcheh dinga jong kigotna neipum a ipancheh diuvin tiemna kahin neije. Ahungpangtei dingho: 1. Gambih Men Department Chairman, Secretary, Treasurer 2. KBC Men Work Committee, Church Men Work Committee & Former Men Work Committee 3. KBC Gambih Pastor & Centre Church Pastor. Gambih le Houbung sunga kon a KBC Office a thah dinga lom apelou lai hon Assembly masanga Office a nahungthah tei diuvin Pakai minin tiem le hetsahna kahin neije. (Assembly Mess fee, Membership fund, offering ho chule Gambih jousea Olympic Registration Rs.500/- chule Assembly a dia Registration mikhat a Rs.100/- hinthah un. Office a hungthah man louhon Assembly a nahin pohcheh diuvin hetsah ahi. N. B: Gambih Pastor ho le C/C Pastor ho cholam hi Church or Gambih in nahin ngaito peh dinguvin hetsahna le temna kahin neije. Kakipah e. Rev. Thangsat Kipgen Secretary, Men Department, KBC. 23 Phallha/November 2015 KBCThuso

25 Men Column 1. Marathon Race CD: Report KBC Men Department tohgonna noija 2014 kumsunga Centenary thangkouna dinga Marathon race Sapormeina - Kangpokpi chana lhaitet chu CD akisemdoh in, copy lhomcha bou ahin, Office muna man baitah in akijoh e. 2. Camp: Shalom Prayer Healing Centre Kangpokpi Addict Camp a Speaker ho kithopi in kapangin, 22/10/2015 nin lolhingtah in akichaitai. 3. Rising Day: October, 2015 Zalenbung Baptist Church Pate kiphudohna kum 38 lhinna nikho man a aneinaova Rev. Thangsat Kipgen, Secretary Men Department in thupi Kei le Kainsung miten Pakai kin jeng kabol diu ahi Joshua 24:15 aseijin, hiche phat sungin achesa phatna ahinkho mollem ho geldohna jong akineijin ahi. 25th Oct Sunday nin Inchen, khosah loubol thua Seminar aneijin, ahi. 4. Gospel Olympic & Assembly : 8-11 December, 2015 Molnom Baptist Church, KBC No.16 vangkho a jingkah le nilhah a Gospel thua kaikhomna lentah umding ahin, Men Department nin Sponsore abol a Evangelist/ Missionary: (i) Rev. Athang Serto, Assam (ii) Pastor Senpu Haokip, Sikkim, (iii) Pastor Haridas Meitei. amahon Pathen thu seina le Mission field a anatohnao report apeh diu ahi. (iv) Chule Hiche sunga hi Gambih No.1 a kona No.20 hon kumsunga atohdoh u Report apeh diu ahi. gambih le houbung hoa kon a vahchoi la ngeitah tah le cultural dance ivetdiu ahi. chuteng le hiche programme sung hi thupi you are the instrument of peace. Mat. 5:19 KBCThuso Phallha/November

26 MBC Womens Seminar cum Exposure Trip Women Column October 7-14, 2015 sungin Dehradun Himalayan Tourch-Bearer mun ah MBC Women Secretary Ng Lhingboi Kipgen lamkainan MBC noija Women Secy mi 14 Seminar cum Exposure Trip kacheovin ahi. Dt.8-10 sungin Seminar kaneijun 10th Oct. in Mussori lam ah gamve in kaga cheuvin, Kipa umtah chu Tangkhul Church, Delhi hon lhunna Hotel chuleh neh le don ima jouse Tangkhul Church hon eiboipi taovin ahi. Sunday nin Tangkhul Church leh KWS Delhi ah kakikhom un MBC Women President nu Chonchon Tangkhul leh Ng Lhingboi Kipgen MBC Women Secretary nun thu aseilhonin lasah khomna jong kaneijun anom lheh e. Tangkhul Church hole KWS ho chungah kipathu kaseijuve. Tuchung kakholjin naovah Isopi hou Tangkhul Church Delhi hon Airport chan a kahung kile na diu chan eiboipiuvin, Tangkhul Church Pastor pa Mathami le atohkhompiho Houbung Board of Deacon ho, chuleh nungah gollhang, chule KWS a kon eiboipi hou Rev. P. Kipgen leh atohkhompi lamkaiho chungah kipathu KBC Nute thakhel in kahin phonge. Pathenin athilpha bolnaovah phatthei bohjing taohen. Joujangtek KBC No.7 ah Chagate Nikho Dt.17th October, 2015 nin Joujangtek KBC No.7 ah Chagate Nikho mangin kachen ahi. Lydia Ng Vahneo lasa dingin kakilhonpin, 17th nilhah a pat in 18th nilhah chan Houbung mite toh kimankhomna kaneijun ahi. Joujangtek Houbung mite hi Pathen a dinga kipetah ahiuvin Pathen thu jallin anom lheh in ahi. Houbung miten homtho tah in eilem lhonin achunguva kipathu sangtah in kahin phonge. Lydia Weaving Centre compound a natoh kipanta 2016 tengleh Lydia Weaving Centre compound lang khat Girls Boarding boldinga Assembly a kiphatsahna dungjuijin tulha hin Latrine Bath room akisem pantan ahi. Aban leh kangthon/bed Table ho sempan ding ahitan, na kitongho tohdoh a aumtheina dingin Houbung mithengten taonan kop jingu hite. Chuleh Churachandpur a chanu School le College kai ho jouse aumnom jouse umthei ahi. Minu mipa tehon chate aumthei ho umsah dingin temna ahung kineije. 25 Phallha/November 2015 KBCThuso

27 Women Column Women Secretary Maban programme ho Gambih No.16 Tour, Gambih No.18 Meithai Camp cum Nute Camp 29th Octobeer - 2nd November, Hiche a dinghin taonan kop jingu hite. Kakipah e. Pakaija natohkhompiu, Lhingbem Haokip, Women Secretary, KBC. MISSION COLUMN Amasan KBC Houbung mithengte ho jouse nabonchauvin kangailutnao toh lhonin I Pakaiyu Jesu minin Chibai kahinpeuve. Pathen puihoinana ichanutoh lhonna Pakai lengpileija vaikon jing theija iumnahlaijeh un Pa Pathen thangvahna sangpen ipeuvin, sum le pai chuleh taona-a Pakai lenggam kehletna aumna dinga pan la Houbung, Department, changa or insung ho jouse chunga kipa thu Mission Board thalhengin kahinphonge. Anoija hin hetthem dinga temna le report chomcha in kahinpei: 1. MISSION CONFERENCE 2015 VOHCHON AHINA THUDOL: Manipur ichennao gamsung boina ho ihetsoh keidiu katahsan in, amasan Phaicham mihon kiphinna lhani vel ahinneiyun chele vale ichangei ham khat in einasuboiyun ahi. Anina in PMT Bill thum Manipur Assembly in achesa 31st August nikho-a phatsahna ahin neiniuva patin thinglhang gam jouse ahungboitan, adeh in Churachandpur sunghi tunichan in thilong 9 jong vuilouva aumna laiyin boina hohi ichangeija hungchena laiding ham jong akihepon ahi. Hiche chungchonna Sadar Hills jong hungboithei ding dinmun in aumkit in, Chandel le Ukhrul gamsunga go hajuh jeh-a munchim aumkit leh ichangei hamkhat in chele vale tunichanin aboinalaijin ahi. Hiche ho jouse hi achesa October 14, 2015 nikhon Conference Committee in akigelkhomin ahileh vohchonjoh tahdinga atamjon lunggel aneitah jeh in phatteplouva vohchon dingin seilhahna akineitan ahi. Conference tukum sunga akibolthei tahlou ding jeh in Gambih jouse le Centre jouse jong hetsahna lekhathot akineitan ahi. Mission Conference tohgon kineina-a Committee/Sub-Committee KBCThuso Phallha/November

28 Mission Column kilhengdoh ho jouse chunga kipa thu akipongin ahi. Conference kiboltheitahih jongleh tunichan-a lungthim le tha tampi nahintojeh un nachunguva kipana alenin ahi. Gambih Choir pan ladinga kigoho jouse chunga jong kipathu seijoulou akiphonge. Tunichanna vahchoila ngeitahtah nakihil-uva, sum le pai tampi jong nasuhlutnao chunga Committee a konin kiphatlamna jong akineijin, adeh in nachunguva kipana alenin ahi. Pathen in pha asah-a damna einapeh uleh khovei lamleh kipah thanomtah-a Mission Conference iboldohtheina diuvin taona-a jong geldoh jingu hite. 2. MYANMAR BAPTIST CONVENTION TOH MISSION PARTNERSHIP MOU 61stKBC General Assembly Res. No. 3:61:2014(4) anakisei bangin South East Asia gam-a Mission natoh ihinpat-utoh lhon-a Myanmar Baptist Convention tojong tohkhomna neiding tia Assembly in phatsahna ananeito lhonin process anakipanin Pathen puihoina jallin achesa October 25, 2015 nikhon Bethel Baptist Church munna MoU akineitan ahi. MBC lam-a konin Rev. Dr. Yam Kho Pau, General Secretary leh Rev. Thawng Khan Ciing, Director, Mission & Evangelism apanglhonin, KBC lam-a konin Rev. Ngamjapao Haokip, General Secretary, Pu Jamkhothang Haokip, Mission Chairman, Rev. Dr. Paotinthang Chongloi, Pu Thonglet Haokip, Rev. Ngulpao, Principal leh Pu Thangboi, Accountant, Dr. Colvin chuleh Thomas (Driver) kagapangun ahi. Hiche Partnership hi soi kikaini a patna kum 3 tohkhomna kineiding, kum 3 seh-a renew bolthei hiding ahi. Myanmar gamhi South East Asia gam-a dinga eiho toh kinaipen leh SEA gamho chena dinga lamlhahna-a hungpang ding ahito lhon-a hiche partnership hi kinei ahi. Tua patna KBC in official in Myanmar gamsunga na itong pantaove tihi ihet-uva pilhingtah-a natohna aumtheina dingin taona-a geldoh jinguhite. 27 Phallha/November 2015 KBCThuso

29 Mission Column 3. MISSION SHARE/SUPPORT TARGET THUDOL-A TEMNA: KBC hi akiphudoh nikho a kipatna John Nevius theory Three-Self Method anapohdoh Self-propagating, self-governing, and self-supporting hiche method tobanga KBC jonghi kiding ahin, kivaihomna, sum le paija eima kenga kidinga chule Pathen thu jong eiho gamsung le ijat inam mitehou lah-a Christian masahon analhangsap-u ahi. Tunin Pathen lungset in jatdang namdang chule gamdang mite lah-a Mission na itongthei taovin kipa umtah ahi. Houbung jousen jokham kham-a isekhomhouva Pathen na kitong ahijeh in, ken pehih jongleng khohponte ti gellouva thanomtah leh gunchutah-a pan ilahdiuhi ikitemnao ahijinge. Tuni channa itohdantehou hi akiven ahileh missionary ho lhalo aphatchaa ipehjou lounao atamjotan ahi. Ajeh pipen ahileh Report chu veleohen ihetdiu ahin, tunichanna pelou houbung tampi aumna laijin ahi. Tunichanna target khokhel houbung chunga kipathu akiphonge. Pathen in phatthei eiboh uva khokhel thei dinga iumule itlouhel in peuhite, ajeh chu Bible in hongphaltah-a peho chu angailui ati. 4. MISSIONARY HO DINGA TA- ONA: Tantih neilouva missionary isoldohhou dinga itaopeh jingdiuvin ikitem uve. Ihatao chanuva amajong hatdiu chujongleh machaldiu ahi. Tuhin Missionary hi Manipur Meitei Field 11; ahin Manipur Nepali Field a 8, Manipur Hindi Speaking Area 1; Sikkim Field 1; Santali/Rajbangsi Field 1; Mising Field 2; Guwahati Field 1; Arunachal Mishmi Field 5; Nepal Field 3; Myanmar 4; Southeast Asia 6; Kuki Area Evangelist 7; Partnership Missionary ho 7; KBC mi agency chomtoh tongkhom 10. Agom-a 67 ahin, amaho dinga hi taona-a pan lajing dingin ikitem uve. Pathen in KBC alenggam kehletna dingin eimangcha jingtaohen. Pathen le mipi Lhacha, Rev. Dr. P. Chongloi, Mission Secretary, KBC KBCThuso Phallha/November

30 Mission Column YOUTH DAY 2015 NEW KEITHELMANBI KBC 7 Achesa nisim 3-4 august 2015 Youth Day cum Youth Seminar lolhingtah in aki chaitai. Speaker Rev. Lamkeng Gambih Pastor, hina in Youth Day thupi Pakai ja kon thahatna chule Seminar topic Khangthah ho le lolhinna ti thua kimanchah na kaneijun nini sung ah thanom in programme akichelha tai. Pathen in N. Keithelmanbi khangthahho phatthei boh ta hen. Mr. Khaiminthang Kipgen, Youth Chairman, New Keithelmanbi Baptist Church, Gambih 7. KBC No 20 Machi Block in Kuki Black Day Kimang Phat masatah in hitobang Report chomcha petheija kaum jeh in Hatchungnung Pathen chu loupina kahinpei. Achesa 13th September, 2015 Kuki Black Day chu KSO Machi Block le KBC No.20 makaina in Gambih Centre Bongmol Baptist Church mun a loupi tah in akimangin mihem alhingcheh 52 in Pathen a an-ngol taona in akimangin Nampi a ding mitlhong pum pumin ana kitaovin ahi. Hiche thupi seija kimang chu Gl. Seikhogin Haokip BD AICS ahin Nampi a ding thupi ngeitah eiseipeh jeh in achunga kipa thu akiphongin ahi. Hibanga chu muntin a Houbung mithengte ho jong imancheh dingu katahsanin ahi. Pathenin Namsung kipumkhatna dingle gamle go imu theina dinguvin phatthei eiboh tau hen. Kakipah e. 29 Phallha/November 2015 KBCThuso

31 Report NEW ZALENPHAI BAPTIST CHURCH BUILDING, THENSO HITA Achesa Dt 18/10/2015 Nichun Kuki Baptist Convention Gambih No 8 a um New Zalenphai Hou thah chu Rev Thanglen Haokip Gambih Pastor in apa acha chuleh lhagaotheng Pathen min in lhandoh naleh thenso na ananei tan ahi. Kipa najal in Houbung chom 2 a kon on kipathil peh na sum min Gambih on jong kipa thil peh na akinei in chuleh Houbung mite a kon in kipathu seina anei u vin adeh in Office lang a ho jong kipathu asei u vin ahi. Kakipah e. keima, Hegin Haokip Gambih Secy. RELIEF HIN KITHOPI HO CHUNG A KIPA THUPHON Phat masatah in min lah a minngeipen Jesu Christa minin hiche Thuso sim jouse le muntina Houbung mithengte ho jouse Chibai kahin peuve. Tuchung 2015 July lhasunga go juhle munchim jeh a lampi atoh khah a gamsung mite chele vale, chule kineh holna ho ahahsat laitah a muntinna Houbung mithengte a kon (relief) chule Office langa kon a kithopina anchang phabep Pallel a um simlai hahsa ho eikithopi jal uvin Gambih No.20 miten kakipanau kahin phonguve. Pathenin KBC le houbung mithengte ho tonsot in phatthei boh jing tahen. 1 T.Thangkhomang Haokip, Pastor No Mr.Thangminlen, Gambih Secretary 3. Mr. Doujapao, Gambih Chairman. KBCThuso Phallha/November

32 Report KBC Gambih No.11 Pate Camp cum Seminar Lolhingtah a Kichaita kumsunga din Gambih No.11 le Men Department in tohgon a ana kinei Pate Camp cum Seminar chu achesa Sept sungin Jangnom Baptist Church Gambih No.11 mun ah lolhingtah in ana kiboldoh tan ahi. Hiche Camp sunga chun Pakai a kingai jing Pasal Jeremiah 17:7 thupi mangcha in Rev. Sholal Touthang Speaker in apangin ahi. Gambih Men Department thusim a mangtalou dingin Gambih sungleh akimvel a um Houbung chom chom a kon mipa 242 in pan ahunglan ahi. Date 11/9/2015 ni sunin Pastor Letlal Haokip, Gambih No.11 Pastor in HOMILETICS ti thupi mangchan Seminar ana kibolin ahi. Chuleh ajing nikho Date 12/9/2015 nikho in Pastor Mangboi Kipgen, Pastor Sangaikot C/ Church in LEADERSHIP thupi mangchan Seminar ana kibol in 31 Phallha/November 2015 KBCThuso Seminar paper jong phatah in present ana bol in ahi. Hiche Programme lolhinna dia sumle pai neh le chah a hungpang Gambih sunga Houbung hihen, mimal, Department hijongleh naboncha chunguvah i-pakaiju Jesu minin kipathu sangtah Men Department in akiphonge. Chuleh Pu Shongam Haokip khonei Haosapu in Bong khat leh Anchang bag ni (2) ahin todoh a mipi ankong eisempeh jal uvin achungah seijoulou kipathu akiphonge. Gambih Women Dept. chuleh amun Houbung Jangnom B/Church ten jong lamkaiho hihen mipiho gena neh le chah eivettup peh jal uvin achunguvah Gambih Men Department in kipathu akiphonge. Kakipah e. Pakaija natoh khompiu Tongkai Haokip, Secretary, Men Dept, KBC No.11.

33 Report Gambih No.1 Oneday Sports meet cum Trial Selection Nisim 14th October nikho in Pu S.Athang Haokip, Assistant Director, FCS & PD Chandel Dist jingun hina, Pu Letkhothang Haokip, Head Deacon B/Church Chassad Avenue, le Pu Benny Touthang, Special Contractor; Jin na um chule Rev. P.Haokip,Pastor Gb No.1 Kin neipa hina in CTS Campus Langol muna Gambih sunga houbung 14 lah a kon in Houbung 12 panlahnain lolhing tah in ana kicchaitai. KICHEP GOLSEH TAHLANGNA Volley Ball: 1st B/c K.Songlung TUG OF WAR: 1st B/cLeimakhong KIPA THUSEINA 2nd C/c NGV 3rd C/c Langol 2nd B/c Ch.Avenue Host eibol peh uva C/c Langol adeha khonei Men Department, Youth Department le Women Department, C/c Langol Houbung, Gambih sunga Houbung ahunglha theiho jouse, refreshment jousea mo eipohpeh u Gambih Women Department, Pu Chief Guest, Guest of Honour le Functional President panmun eilopeh hou, Sound System a eikithopiu C/C New Lambulane, C/C Langol, CTS School,chule Programme eilolhinsah uva ihoujing Pa Pathen chunga kipathu iphong uvin Pathen loupina chang jing tahen!muthei le mumo a pan hinla jouse Pathen in phatthei boh cheh tauhen! Bolkhel alhing lou jouse Pathen min in tochet tau hiute. KBC Pateho malam hinkho ajong Pathen in phat thei eiboh jing tau hen... AMEN Lienboi Singsit, Secy. MD Gb No.1 KBC KBCThuso Phallha/November

34 Korea a Jilna le Ministry Chaina Report Report Pathen mapuina jal in 2007 a pat in South Korea ah Ministry le Jilna kop in kana um in insung mite le houbung mite taopeh jing na jal le Pathen lungsetna jal in M. Th. (Master of Theology) chu lolhing tah in 2009 kum chun kanachai in Aban in Break sung in Ministry jong kana bol in, chujouvin Ph.D. jong damsel chan August 21, 2015 chun Ph.D. Degree Award Ceremony ana kinei tan ahi. Korea a um eimi ho Ceremony a eihung lhahpeh hou jouse chung ah jong kipathu kahin phong e. Adeh in Kuki Baptist Convention (India) member ho jouse chung ah jilna le ministry sung a neihin taopeh jing nau chung chon a Convention a kon a neina kithopi nau jal in Convention member ho jouse chung a kaki pana kahin phong uve. Nathilpha bolna ho jouseu Pa-Pathen in ajatsom-ajatjan nalethuh cheh tei uhen. Pa-Pathen in lamkai ho phungvuh jomjing hen lang, KBC dam in; hingsot hen! Kaki pah uve. Keima, Rev. Dr. Hemkhomang Haokip le Insung mite Highway View Cottage, Moreh Ward No. 2, Phaicham veng, Ph.: KBC C/C Haokip veng Chate Camp Achesa October 19-22, 2015 sungin KBC C/C Haokip veng mun ah Houbungin kum tohgon ana kinei Chapang Camp chu Pathen mapuina jallin Gl. Lamthang Haokip, Staff in-charge Child Evangelism Fellowship of India (CEF) Imphal Branch le Evan. Lalboi Kipgen Speaker hina chule Chapangho kahenga hungsah un (Mark 10:14) ti thupi mangchan in Camper mi 81 panna in lolhing sel in akichai tai. Pathen thang vah in umhen. Rev. Seilen Haolai, Pastor, C/C Haokip veng, Imphal. 33 Phallha/November 2015 KBCThuso

35 Report CENTRE CHURCH CANAAN VENG NUTE CAMP KBC C/C Canaan Veng in achesa nisim 3rd - 6th Sept sung Chun Nute Camp thupi tah in Ana kimang in gamsung ah lunghemna leh khoisatna tampi ana um jongle lolhing tah in Ana kichai tan ahi. Hiche camp kibolna achun, Hb. Neocha hijongle camper mi kitup tah in apang in, Rev. T. Solal Speaker in apang in, Camp Director chu Rev. Tongmang Haokip, Local Pastor ahin, Youth Deptt. hole Men Deptt. hon neh le chah tuitah tah le kitup tah in eina bolpeh uvin ahi. Muntin a Nute hon jong lhagao lam kalsonna a amachal Jing theina diuvin TAONA in geldoh Jing u hite. Pu Hawllien Baite, Hb. Secy. GAMBIH NO. 9 NUTE CAMP 2015 Pathen lungset in Gambih miteho hapanna jal in Gambih Nute Camp date 8-12th Oct.2015 sungin Speaker Rev. Demneh Doungel, Director Shalom Bible College, Nl.Lhingboi Convention Women President leh Evan. Boinu Mangte Camp Director hinan lolhingtah in akichaijin ahi. Pathenin Camp Speaker ho malam ah lhonpi jing uhen, mangcha jinguhen Camper ho jouse jong phatthei naboh taohen. N.Chinneng Nl. Lamneilhing, Chairperson, W/Dept. KBC No.9. Secretary, W/Dept.KBC No.9. KBCThuso Phallha/November